يوميات علياء

السلام عليكم ورحمه الله وبركاته.......

قصتي بسيطة وانشالله تعجبكم .....

يوميات علياء1


................أنا علياء وعمري 18سنه من دبي...بنت عاديه من أسرة عاديه بعد يعني باختصار والحمد لله نحنا متواضعين وعلى قد الحال....عندي أخويه اللي اكبر منى بسنه واسمه علي وعمرة أكيد بيكون 19...وعندي أخويه اللي من أبويه واسمه سلطان وعمرة 21 سنه ساكن ويانا في نفس البيت...عندي خوات ثنتين معرسات وعندهن اعيال وهم ما يزورونا وايد بس هم طيبات وايد...مممم...وعندي بعد خوات اصغر عني عندي موزة وعمرها 16 وميرة عمرها 14 بس اتقول حق الناس أنا عمري 15 تحب اتكبر عمرها وايد...وبقى أخواني الصغار سالم وعبدالله شياطين وثنائي مرح وايد ومسوين جو في البيت...سالم عمرة 9 وعبدالله عمرة 11...وهم في مدرسه وحده...أميه وأبويه ناس طيبين وايد الوالدة على نياتها والوالد ما نشوفه وايد...لان الشغل متكود عليه...
الطابق الثاني ملكنا انا وعلي وميرة.....
انا فوق في حجرتي اشوف التفزيون وميرة في حجرتها مطوله على اغنيه راشد الماجد اتحسب الطابق الثاني ملكها مسويه ازعاج اتعرفون ليش لان علي مب في البيت طالع...بس والله لو سمع الحشرة بيكسر راسها...مممممم في الوقت نفسه البارونه موزة في حجرتها اتكلم اربيعتها الروح بالروح اللي اربع وعشرين ساعه يرمسن حشا مايشبعن اللي قاهرني يطلعن السوالف من تحت الارض يعني الحلوات يوم يرمسن يتسلن مب انا يوم ارمس اربيعتي استهبل عليها واسوي عمري مشغوله وابند عنها... انزين بقا الثانئي اللي يرفع الضغط سالم وعبدالله كالعاده شاردين من البيت وسايرين صوب الدكان حشا بسم الله المقر الثاني...انزين اميه اترمس اربيعتها في التلفون مادري اونه اربيعت اميه كل اربعاء عندها عزيمه اتسوي عشا حق الحرمات كل اربعاء في بيتها...وطبعا اميه ماشالله عليها ماتفوت ولا اربعاء على حسب عاد اذا ماصادف يوم الاربعاء عرس والا ملجه ... وعاد الوالده يوم اتسير عندم اهم شي جدورها وياها وابصراحه ماما اتسوي عصيده على كيف كيفكم انا عن نفسي احب اكلها يوم حارة
لان يوم تبرد ماتعيبني....انزين سلطان مانشوفه وايد والوالد بانله ملحق على قده وراء البيت والله سلطان ماخذ راحته ابصراحه يله عيني عليك بارده مفتك من صدعه اليهال...انزين الحين انا يالسه اجلب في هاي القنوات السخيفه اللي مالها معنى لاعت جبدي ابصراحه...انزين ان سرت عند ميروة بتحوشني الهبله اونه ماحب حد يدش حجرتي ياويل حالي ابصراحه مابا اسير واتقفط حشا هب اخت هاذي بس خلها يوم تبا شي ياسلالالالام اتعسكر عندي من الظهر صدق بنات هههههههههه...
انزين اللحين شو الراي انزل عند موزة ابصراحه لو دقيت على موزة بتلبسني لانها يامجابله اربيعتها او تقرا كتاب ...انزين انا ملانه شو اسوي قولولي...يله ماعليه قلت اطلع في الحوي واغير جو .. انزين على طاري البشاكير ياسلالالام عدنا ثنائي عجيب اللي هم امالي وشاندرا ..والله ساعات يوم امل اسير عندهن وايلس اسولف وياهن يسولفن عن ابلادهن ..حشا والله حفظت كل شي في ابلادهن وابويووه والله خطر ماستوي مرشده سياحيه بس يله هن طيبات وانا دوم اسير عندهن...انزين تعالوا اللحين انا في الحوي لاتنسون ...انزين انا امشي وافكر في الجامعه وشو بسوي ويعني من ها الاشياء...المهم افكر...ومرة وحده اييكم عبود طر من باب الحوي بالسيكل ماله ويدعمني...انا براويه راقبوا الحوار اللي امبينا...عاد انا عصبيه اوني خخخ..
انا: عبووووووووووود عمى بعينك بلاك انته ماتشوف.
عبدالله: اووة ماشفتج اصلن انا ماركزت انج في الحوي اتحسبج امالي..
...................اي ويهي ابصراحه قويه بس استهبلت...............
انا: قول والله انا براويك وقسما بالله عند اميه انته بذمتك كتبت واجباتك ياهراس.
عبدالله: أي واجب ماعدنا واجبات نحنا..
انا: هيه صح قص عليه.
عبدالله: اقولج ماعندي.
انا: انزين سير حجرتك وهات شنطتك بجيك.
عبدالله اتوهق يبا يشرد انزين شوفوا العلثه ...
عبدالله: أي شنطه نسيتا في المدرسه.
انا: احلف انته يالهويه اعتقد اني انا يايبتنك من المدرسه وشنطتك كانت وياك...
والله انا ارمس ماخذه على عمري شرد ابسيكله وسار الوكر ماله الدكان..
والله واتحرطمت في الحوي بس محد امسولي سالفه....
انزين يله تعالوا برد فوق حجرتي والا اقولكم اصبروا بندش الصاله عند اميه بنشوف سوالفها بس اسكتوا عسب ماتحس انكم ويايه بسوي حشرة وبتقول يالله بالستر مافاولنا العرب ....((( اتعرفون كرم الضيافه )))..
فتحت الباب واميه اتأشر بايدها على اساس اني اسكت وماقول شي لانها ترمس في التلفون..انزين انا الحين امشي في الصاله سايرة صوب التفزيون بغيت افتحه بس ماشتغل...ليكون ماتعرفون ليش ..؟ كالعاده ياسالم او عبدالله شالين المحول وحاطينه في حجرتم عسب البلاي ستيشن مالتم ابصراحه من خذولهم هاي البلاي شتيشن ونحنا مختبصين لا وياليت لو يلعبون المشكله اربع وعشرين ساعه هم برع البيت... انزين ردوا المحول امكانه لا منو يقول الهيازة ابيزة عندم..حركات والله اخواني...انزين ابصراحه تعبت بيلس على الغنفه المهم يلست العب ابشعري لين ماتخلص اميه..بعد ماخلصت اميه...
اميه: اتسلم عليج ام امنه.
انا: الله يسلمها..ها اميه ماعزموا ايسيرون العمرة ها السنه.
اميه: لا بيسيرون تركيا اونم ..
انا: ياحظم والله .
....انا منقهرة اتعرفون ليش لانهم مايسفرونا اونه منقود...واشله...
انزين الوالده اتحب علي لدرجه انتوا ماتتوقعونها...ليش اويه ولدها ههههههههههه...
ابصراحه علي انسان انعزة وايد ولد طيب وحلو ماشالله عليه اخلاقه حميده بار بوالديه وحنون علينا..اما سلطان مايخصه بالدنيا بس هو بعد طيب وايد..
الحين المشكله انا ملانه وايد شو اسوي والله خاطري اسوي أي شي بس يسكت ها الملل...ياربيه اتعرفون شو اللحين انا يوعانه يعني لازم اسير اكل شي ...مطابخنا برع الفله ليش ..؟؟ لا مب على كيفكم انا بقولكم لاتخمنون ارواحكم خخخخخ ..لان لو كان المطبخ داخل الفله ريحت الاكل بتخيس الصاله والحجر..انزين بس ترا في الطابق الثاني عدنا مطبخ تحضيري على قدنا ... انزين يله انا طالعه برع صوب المطابخ ..سرت صوب المطبخ فتحت الثلاجة وما لقيت شي يجذب حشا شو ها المصخرة...سرت عند امالي..الحين أنا بدش حجرة البشاكير...
أنا: امالي شو العشا...
امالي: مادري.
أنا: كيف ماتدرين ليش منو يطبخ أنا والا أنتي..
امالي: مافي معلوم شو سوي قولي حق ماما.
أنا: أنتي بلاج ماشي وقت أصلن اتسوين عشا.
امالي: طلب من كافتريا.
أنا: خوش والله وأنا أشوف ليش متهايزة ثرج معتمده أنا نحن نطلب من الكافتريا عنلاتج يا لخديه...
طلعت برع ورضخت الباب...ادري صميت اذنكم بس ابصراحه قهرتني...
انزين خلاص بهدي أعصابي ...انزين الحين شو ارد فوق عسب اتصل من تلفوني..ادري ادري بتقولين دقي من تلفون البيت...المشكلة قبل ماطلع شفت طيف موزووة في الصالة واتركب واير النيت..وأنا أوني العودة والجامعية مادش النيت والله ماعثري على الحشرة والصدعه...
انزين يله أنا يالسه اركب الدري...وصلت صوب حجرتي...شو تتوقعون شفت...ممممم لا شو أم الدويس خخخ...شفت 12 مكالمة لم يرد عليها...منو تتوقعون ...انقع خيانة واكتبلكم اتريوا الجزء الثاني وألا أكمل...أنزين خلاص بكمل...
شليت التلفون ... طلعت اربعيتي ريم ابصراحه هيه حشرة وايد ويوم تتصل بس تيلس اتسولف عن أشياء ماتهمني.. لا والله اصبروا شي ثاني اكتشفت امطرشتلي مسج تبون تعرفون شو المسج...نكته كالعادة والله فايجه مسكينة بس يله تفتكر هب أنا ..ميتة عن العالم...المسج يقول..حمار قال لحمارة متى بتزوج ردت عليه: يوم بتحسن ألفاظك ..هاهاها..
اووووة صبروا ياني خط ....يالله بدا الشك لاتحاتون علي داق انزين سكتوا عسب مايسمع صوتكم وانتوا تقرون القصه..ويكتشف اني منزله قصه خخخ...
انا: الوووو.
علي: عليوووة سيري الصاله وشوفي منوة يرمس.
انا: امويز على النيت.((((ادري وشايه))))
علي: انزين شو العشا .
انا: ولاشي توني عافده المطبخ وامالي ماسوت شي.
علي: عفان الله .
انا: خلاص انزين مر أي مطعم واشترا اللي تباه .
علي: خلاص انزين ابرايج.
انا: بايوووو.
علي: بايوو اونه يله جلبي ويهج.
صكيت التلفون..لاتضحكون ماقفطني ...بس فشلني يامخه..
انزين المهم انا سايرة فوق عسب اطلب من الكافتريا.
دقيت الرقم ورن التلفون وطلبت من الكافتريا احم احم مب لازم اتعرفون شو طلبت خخخّ.
انزين اوووة البطاريه فضت بسير احطه على الجرج.
دامني ملانه بسولف وياكم عن قصت حياتي...شو رايكم...عاد اهنيه اقولكم خلوها للجزء الثاني....ترا بتطلع سوالف وايد


يوميات علياء2


انزين دامني يالسه واجرج تلفوني اعتقد اني بقولكم سوالفي الجديمه لاني مثل ماتشوفون ملانه وايد....ولاتزعلون كل يوم سالفه ...
سمعوا هاي السالفه...
مرة كنت يوعانه وايد ادري بتقولون انتي دوم يوعانه!!!
ترا المشكله اني دوم يوعانه...لاتخافون مب دبه جسمي حلو..((دعايا))..
انزين بس تراني وايد ارمس خلوني ابدا...
من مده كنت عطشانه وسايرة صوب المطبخ وكالعاده اختي ميرة مطوله على اغنيه((مشكلني))عاد اول مانزلت ادري الاغنيه تراها هزت الدنيا هز ..انزين وانا في خاطري اعلق ((اموت واعرف منو عاطنه الكلمات خخخ))..انزين سرت صوب المطبخ بصبلي ماي..غسلت كاس من هاي الكاسات الحلط..وعدنا ثلاجه ماي يوم صبيت من الثلاجه الماي كان حار ليش..؟؟؟..لان حد جالع الواير مال الكهرباء...افففففففف محد غير ميروووة ..ليش..؟اكيد كانت اتسوي لها ((نوديلز))) على قولتي..ديدان امصرقعه..ههههه...انزين عاد انا اوني عصبت واستويت((الزعيمه))..سرت عندها ...
انا: ميروووة.
ميرة مطوله على الاغاني ...
انا: ميروووووة خس الله هالويه.
ميرة بولباس..
شفتوا مظلومه والله عاد انا مابصدع راسي.. لبستا ونزلت من هالدري المعوق مشكله ابويه ماعرف يبنيلنا بيت اوووة مسكين والله صدق ماستحي خخ...انزين نزلت اسمع اميه طارة حلجها اتزاعج من الخاطر...بسم الله على المغرب يالله بالستر ...
نزلت....
انا: بسم الله اميه بلاج اتزاعجين مب زين.
اميه: صليتي المغرب انتي!!!
وجان يقفط الويهه...

للمزيد من مواضيعي

 

اتحنحنت احم احم...
انا: لا ماصليت.
اميه: جلبي ويهج وسيري صلي عقب تعالي اتفلسفي.
وجان اجلب ويهي مسكين ويهي كله ينجلب...
اميه دشت الحجرة... شو تتوقعون انا سويت؟؟؟؟
...لحظه لاتألفون من عندكم شردت برع في الحوي ههههههههههههههههه..
وانا شارده في الحوي عاد اللي يسمع حوي بيتنا الشانزلزيه هههههههه...شفت منووووة..؟؟
شفت سلطان ..
سلطان: شو تسوين برع بدون وقايه.
انا: اسمها شيله.
سلطان: انزين يوم انج معجم ماشالله ماتعرفين تلبسينها.
لاحظوا انزين ابا اخلي دمي خفيف بس مارمت...
انا: بعدني صغيرة.
سلطان: دشي لاصفعج واخلي ويهج طايح جدامي..(((شفوا يسيرون ويردون على ويهي حشا)))
انا: انزييييييييييييين .
هنيه سلطان ركب سيارته وسار مادري وين...
طبعا سرت الحوي مرة ثانيه...
والله كنت يوعانه وايد وابا اشوف شو مسوين عشا هو صح مب مسوين شي بس حبيت اوايج يمكن امالي نزل عليها شي وسوت عشاء..
انا: امالي سويتي عشا في خاطري اقول((لا طبعا))
امالي: مافي شي في مطبخ.
انا: هو في وايد في المطبخ بس خام يالعنز يعني يحتاج انج تطبخينه..
امالي: ماما مافي قول.
انا: بسم الله لاحووول وانتي من داومتي عدنا((اونه شركه سكتوا عاد لاتضحكون))..ماتسوين عشا.
امالي لبستني ويلست اتكوي.
انا: افقت هالويه.
وطلعت عنها وعاد اوني عصبت ورضخت بالباب...
...مليت والله شو ها الحاله ملل...
دقيت حق اربيعتي ريم بغيتها تي بيتنا...
انا: ريموووة
ريم: هلا عليووة بلاج شكلج الا يوعانه.
(((لاحظوا حتى ربعي يعرفون اني دوم يوعانه)))
انا: ماشالله ذكيه انتي لابس حبيت اقولج اباج تيين بيتنا...
ريم: خلاص اوكيه بشاور اميه وبقولج.
انا: اترياج ابسرعه.
ريم: اوكيك باي.
انا: بايوووو.
ريم: بايوووة اونه.
انا:جب انتي يله سيري بسرعه.
ريم :باي.
صكيت عن ريم ويلست عند الزراعه ((عاد اللي يسمع يقول ياحيها من زراعه))...
مسكينه زراعتنا فيها كمن ورده دريولنا سارقنها من الشارع ههههههههههه وكمن انخله على ايام يديه...وحشيش اونه عاد شرات الحدايق ههه..
((لاتضحكون )).
دقت ريموووة..
انا: ها ريموة بشري.
ريم: شو تتوقعين انتي.
انا: يله عاد فايقتلج انتي الثانيه.
ريم: اميييييييييييه بسم الله حشا بلاج انتي ماكله فلفل.
انا: ليتني ماكله شي ..
ريم: خلاص بييج وبيبلج شي من المحطه يسد يوعج ياليوعانه..
انا: والله زين شي طلع منج شي اوكيه.
ريم: ههه ياراسج..والا اقولج عليووة بلاج انتي من عرفتج كله يوعانه.
انا: شو اسوي خخخ .
ريم: يله باي عليوووة الحين بيي عندج.
انا: باي ريموووة.
اتمنى يوم ريموووة تي عندي ماتحشرني بسوالفها .. يله اتمنى...
**امالي اتزاعج...((ويع انشالله)).
امالي: اليا تالي شوف عبوود غربلاته.
منو ايودني هههههههههههههههه انتوا اتلاحظون شو قالت بشكارتنا غربلاته اونه ههههههههههههههههههه .
انا: ههههههههههههههه شو سوا يالبدويه انتي.
امالي: دربي انا ((يضربني قصدها))..
انا: شو سويتي بعد.
امالي: مافي معلوم هو يقول مال هو ساعه خربان انوا مالي شغل.
انا: سيروا عني والله انكم فايجين.
اف درت عنهم وسرت فوق الحجرة اغير ثيابي ...
الحين انا يالسه امشي على الدري..وصلت الصاله فوق وفتحت حجرتي ... لقيت الليت مال الحجرة مفتوح ياترى منو فتح الليت ..هع محد غير ميروة اكيد ادور شي في حجرتي..عفان الله تستغل اني اطلع من الحجرة عسب اتنبش حشا هاي وين دافنين سرها..
انزين طاف عقب بتحاسب وياها..شو رايكم اتسبح والا ماشي وقت ابصراحه اعتقد ماشي وقت..انزين بدورلي جلابيه مثل الناس وشيله حلوة اونه عاد بدور شي نفس اللون...ادري ادري ذويقه انا..
سرت صوب الدريسنج روم(غرفه الملابس) ادور شي البسه وحصلت جلابيه زرقاء وايد حلوة وشيله بعد فنانه.. الحين بفتح باب حجرتي وبسير صوب المطبخ بلبق فحمه بدخن من زمان مادخنت والله…انزين حطيت فحمتين وطلعت برع..في صالتنا شي وايد يغمضني والله لو تعرفون شو بتضحكون كل ماحدر الصاله اوايج على ها الشي ودش حجرتي وحتى يوم ارد من الجامعه اوايج عليها واشوف شخبارها المسكينه اقول في خاطري هاي ماتت والا بعدها مسكينه والله اتريا متى بتموت لاتقولون اني شريرة بالعكس اخواني الصغار اشرار هم اللي مايرحمونها هاي المخلوقه الضعيفه..اخ بس لوتعرفون شو شو رايكم ماخبركم عاد ها المرة بنقع خاينه ولابخبر اخلاف بخبركم…انزين رديت حجرتي ولبست ثيابي وحطيت شدو على الخفيف واجحلت … وسرت المطبخ ويبت الفحم ودخنت من هاك الدخون الغاوي اللي يايبينه من العين ..والله دخون غاوي وايد…انزين سرت صوب الصاله…وايجت على هاي المخلوقه الضعيفه اللي صابرة علينا..ههههههههه..مسكينه هاي سمجتنا الذهبيه والله الله بلاها يوم طاحت بيتنا مسكينه لاياكلونها ولايغيرون ماي الحوض مالها…ولاعندها سمج يونسونها في وحدتها ههه والخيبه الا سمجه ..
انزين نزلت من الدري شفت اختيه العزيزة موزة والشي الغريب انها طالعه من حجرتها..
موزة: عليوة على وين انشالله.
انا: ريموة بتيني ..
موزة: هيه زين زين.
انا: غريبه والله شو اللي مظهرنج من حجرتج شو عندج احيد الا سرج هناك مدفون.
موزة: اه ياعلياء متضايجه..
والله استغربت من كلام موزة غريبه احيد موزة حياتها كلها لعب وماتحاتي شي ماشالله عليها..مب مثلي كل احاتي بطني..كلماتها لو بسيطه بس هزتني ماتوقعت موزة اتقول انها متضايجه انا اعرف انا كل انسان يتضايج بس كانت طريقه موزة غير.
سرت عندها قلتلها تعالي بنيلس في الصاله بس موزة ماطاعت وقالتلي ان ربعها يتريونها على المسنجر..اتضايجت قلت في خاطري والخيبه ربعها اولى عني بس يله يمكن عندهم رمسه مني والا مناكي..
اعتذرت موزة ودشت حجرتها…فجاة تنقز ميروة من الدري وهيه فاله شعرها حشا وين تبا اتحسب عمرها سايرة عرس ميروة كانت اتزاعج واتقول شوووووووووو العشا..
وانا كنت في الصاله وقلتلها تعالي اشربي حليب عقب انا بطلبج من المطعم او من اي مكان تبينه…انتوا اتلاحظون احاول اقردنها عسب تيلس ويايه بس تدرون هالمرة طريقتي فادت...
نحنا متعودين ان نحط الجرايد على الطاوله يلست ميرة تقرا الجريده ولبستني والله رن تلفون البيت..وسرت صوب التلفون ..
انا: الووو.
؟؟؟: الوو مسالخير.
انا: مسالنور.
؟؟؟: منو ويايه.
انا:..انته منو تبا.
؟؟؟: اباج انتي. ((شوفوا بدا الاستهبال))..
انا: لا اخويه غلطان شكلك.
؟؟؟: لامش غلطان مش انتي مممم ممم اتصدقين نسيت اسمج.
انا: وحليلك اكيد كنت تبا تتصل حق كنتاكي ودقيت على رقم بيتنا بالغلط..(وعقب صكيت في ويهه)..والله انه فايج عنلاته الخديه.
ميرة: بلاج عليووة معصبه منو اللي داق حشا اسميج حشريه ولاتتفاهمين.
انا: انجبي انتي الثانيه وجابلي جرديتج لاصفعج على بوزج.
اف قهرتني هاي بعد...سوري يعني على عصيبتي بس مشكله اليهال اللي يكبرون عمارهم..
رن التلفون مرة ثانيه...
انا: الووو نعم.
!!!: الو هارديز؟
انا: لا اخويه ماكدونالد.
!!!: بس ماحيد ان عندم خدمات توصيل منازل .
((صكيت في ويهه قلت في خاطري سير عندم وانا اشلي اف ياهالناس اللي ماعندها سالفه.)).
وصلت ريم...وطلعتلها برع اشوف ريم تضحك ...استغربت!!

انا: بلاج تضحكين شو عندج.
ريم: شخبار هارديز...
شوفوها السخيفه ردت اتسويلي مقلب من مقالبها الوسخه...
انا: وانتي منو مطرشه عليه يالدبه.
ريم: اخويه هههههههههههههههه.
انا: بس ترا الحركه مش حلوة اوكيه.
حست اني عصبت.... بس ترا الحركه مب حلوة صح...؟؟؟؟
سرنا يلسنا برع وسولفنا عادي واتعشينا لاني طلبت من برع ويلست ميروة ويانا..وانا بالي في موزة وليش موزة متضايجه..قلت بعد ماتروح ريم بحاول اني اسير عند موزة وارمس وياها اشوي..
استوت الساعه 11 دقت ريم حق اخوها ...على الساعه 11وربع وصل اخوها ودق حق ريم..
ريم: الو الحين بيي برع.
انا: اووة حرام ريمووة اخوج وصل ابسرعه.
ريم: يله عاد عليوة بشوفج في الجامعه .
انا: يله بوصلج..
وصلت ريم عند الباب بس ماكنت ادري ان اخوها طار عينه عليه والقفعه ..قفط ويهيي اتغشيت ووصلتا برع....
.....في سيارة اخو ريم...
اخو ريم: هاي اربيعتج.
ريم: هيه .
اخو ريم: ماشالله عليها حلوة.
ريم: خلك في حالك.
(((والله ويحشون فيه بس عاد انا اوني في القصه مادري انهم يحشوون ههههههههههههه)))
اخو ريم: حشا بلاج انتي انا ماقلت شي...بس شو رايج اخطبها.
ريم: مستحيييييييييييييل...
اخو ريم: ليش انشالله مستحيل بلاها البنت شو فيها من العيب قولي.
ريم: ولا شي بس ماعتقد عليا اتوافق لانها رافضه فكرت الزواج.
((((لحظه برز ويهيي في السالفه اسميج ياريمووة ماتبيلي الخير هههههههههههه طيرت المعرس)))...
اخو ريم: انطبي انتي والله ماعندي سالفه اشاورج.
(((هيه اسميك ذيب مخاوي ذياب)))...
ريم: حشا بسم الله شو قلت انا.
.....احم احم ريمووة ابصراحه دواج اتادبين....
انزين رديت حجرتي وركبت الدري عقب اتذكرت ان موزة اتقول انها متضايجه نزلت تحت مرة ثانيه ...
دقيت على موزة الباب...
أنا: موووزوووة بطلي الباب.
موزة: ها شو تبين مشغوله.
أنا: خلاص ابرايج اذا ماتبين تفتحين الباب.
سرت حجرتي ماروم اوقف اكثر تعبت حشا....
دخلت حجرتي وشفت عمري بالمنظرة حسيت اني تعبانه او شي ناقصني ماعرف شو هو...بس في اعماقي اعرفه عدل...اللي هو اني هامله صلاة ربي ..دوم اسال نفسي ..متى بصلي؟..متى؟ ..متى..؟..
سرت على طول الحمام اتيددت وصليت العشاء..وعقب سرت بدلت ثيابي وطحت على الشبريه افكر في كل شي..
ادري ان ماقلت شي يحمس او يجذب بس ها عبارة عن يومياتي...يعني اشياء اتذكرها من حياتي...او اسردها بشكل يومي
اليوم الثاني الصبح الساعه 11...نشيت يلست اشويه على الشبريه..عقب دشيت الحمام واتسبحت واتوضيت وصليت الصبح وحسيت ابراحه...عقب لفيت شعري ونزلت تحت...بس قبل مانزل لازم اوايج على السمجه ههه مسكينه مافيها حيله هههه...
سمعت صوت ابويه ... نزلت تحت اشوفه يزاعج استغربت ليش ابويه بلاه...سرت عنده وسلمت عليه ..
انا: ابويه خير.
ابويه: لاماشي.
انا: اها.
سرت ابصراحه انا استحى ارمس ابويه مافيني جرئه يعني...يعني اروم على اميه بس ابويهNo way ههههه..
سرت حجرة اميه شفت موزة يالسه ..استغربت موزوة شو يواعيها الصبح احيدها تسهر على النيت ونادر ماشوفها..
انا: السلام عليم.
موزة: عليكم السلام.
انا: اتريقتي موزووة.
موزة: لابعدني مطرشه امالي تيبلي ريوق.
انا: خلص بسير برع بخليها اتزيد الريوق.
طلعت عنها اف يعني لازم اخبر امالي اتزيد الريوق والله ان سرت وشفتها في الصاله شكلها بتتعايز اترد المطبخ تيبلي ريوق بشاكير اخر زمن.
اف الحقوا امالي جدامي..
انا: امالي ها حق موزة صح.
امالي: هيه.
انا: اوكيه سيري يبيلي ريوق.
امالي: خلاص كل شي.
انا: وانتي شو مسلطنج عليه كل ماقولج شي اتقوليلي خلص.
امالي: اليه انتي كلي ويا موزة.
انا: جلبي ويهج لاديرج بالطاسه على يبهتج.
اف سرت المطبخ ابروحي يعني لازم هالشقا...لبست شيلتي وطلعت برع شفت شاندرا الهاديه وحليلها..وقلتلها تيبلي ريوق..
رديت حجرة اميه...وشفت موزة بعدها يالسه.
موزة: علياء امالي يابت ريوقي.
انا: هيه في الصاله سيري .
موزة: عليوة هاتي الريوق.
(((سمعتوا اللي سمعته)))
انا: حلفي بس انتي.
موزة: والله.
انا: والله انتي يبالج رنه على ذنيج.
موزة: اطنز انزين عن تصيحين علينا ماعدنا كلينكس خلص.
انا: ماشالله تنكتين مويز.
نشت موزة من الكرسي ماشالله ولو انها اصغر عنى بس احسها عاقل ماشالله عليها...وقفتها بس كم تسوى ماشالله عليها...هيبه فديتها..سارت الصاله وكانت تتريق...رزيت ويهي ويلسنا نسولف...
شاندرا بعد يت وحطتلي الريوق واتريقت...
نزلت ميرة من فوق..وكالعاده اتزاعج شووووووووووو الريوق ..
عفان الله انتي نزلي وسلمي عقب زاعجي..
بس اميه ماكانت في البيت سارت الخياط تيب اثيابها...
نزل علي ويلس يسولف ويانا..وعلق على جلابيتي اونه شو ها اللي لابستنه..هع والله انه فايج على الصبح..
.......ااااااااااااه والله ان السوالف حلوة بس انا الحين تعبانه ماروم اكمل بكمل اخلاف اوكيه ...تصبحون على خير

يوميات علياء3


السلام عليكم ورحمه الله وبركاته….
الساعه 10 الصبح...
هلا صباح الخير سوري توني ناشه من الرقاد بس كنت البارحه تعبانه ومارمت اكمل...انزين بسير الحمام بتسبح وبرجع...
بعد نص ساعه..
هلا سوري اذا تأخرت المهم بسحي شعري وبنزل تحت بتريق لاني ميته من اليوع...لاتقولون ليش ماسرتي الجامعه ترا اليوم الاربعاء.
فتحت باب حجرتي وجدامي علي يالس يرمس في التلفون حشا ويامنو يرمس ها من الصبح المهم مايخصني انا...وايجت على السمجه طبعا شوفوا انتوا لازم تتعودون اني اوايج على السمجه ..وانا نازله الدري توها ميروة فاتحه حجرتها لاني حسيت انها تحيس القفل مال الباب المهم بيلس اترياها عند الدري ... تدرون ملل اليوم اعتقد جان ماطلع اليوم والفليل بخبركم سوالفي الجديمه ...يلست العب بالتلفون لين ماتي ميرة..هاذيه ميرة عدالي شافتني يالسه على الدري يلست عدالي...
ميرة: صباح الخير.
انا: صباح النور انتي كنتي سهرانه البارحه صح.
ميرة: هيه اشوف فيلم في 2
انا: اهاااا..
المهم يلست ميرة اتقولي عن قصه الفيلم ...
علي: درب درب..بلاكم شرات الطلالايب ميلسين جدا المسيد.
والله فاضي يعلق الشيطان..
ميرة: لا والله يالسين نترياك عسب انتريق ارباعه.
(((شوفوا الخريط))).
انا: يله علي نازلين.
علي: علياء شوفي اذا امويز ناشه بنسولف وياها عفان الله من زمان ماشفناها..تدرون جان ....ويلس على يسولف....احم تدرون سوالف عائليه ههههههه.ا وهيه فقيرة سمعت كل شي..

موزة كانت في حجرة اميه ونحنا يالسين انحش فيها...
موزة: هع سمعت كل شي.
علي: انزين مدام نحنا ماقلنا شي...
اوووهووو نشيت عنهم احسن بسير فوق وبدردش وياكم...
اذكر من فترة اشويه قصيرة...كنت سايرة ويا موزة سيتي سنتر كانت تبا تشتري بدل من ((مانغو))...المهم نحنا نزلنا من السيارة وتغشيت بس موزة ماتتغشا وانا عزرت عليها اباها تتغشى بس هيه ماطاعت موول اونه مب لازم ..المهم مشينا وصلنا مانغو ويلست موزة اكثر عن ساعه اونه ادورلها بدله حلوة عندها عيدميلاد بعد اسبوع..انزين رفعت غشوتي ويلست امشي..
صبروا اشويه بدش حجرتي وبكمل....
انزين..
مشيت وعيبتني بدله وايد حلوة لونها اسود ودرجات البني بعد والله شكلها وايد حلو...سرت صوب موزة بس في وحده كانت واقفه فأنا مانتبهت اتحسبها موزة يلست ارمسها وهيه عاطتني ظهرها ويلست اخذ على عمري فجاه صدت البنت ويهي عورني ماعرفت شو اقول شافتني وضحكت قالتلي شكلج غلطانه حبوبه..ههههههههههههههههههههههه والله استحيييييييييييييييييييييييت وايد...
المهم اعتذرت من البنت وروحت ادور هاي العنز ...المهم لقيتها في غرفه القياس اتقايس .... بس طلع البدي ضيج خخخخخخخخخخخخخ تتادب....
المهم ماعلينا من موزوووة....
بس شكلي نسيت اخبركم اني ادرس في الجامعه اتعرفون سالفه تيب سالفه ونسيت المهم سوري...
ترن ترن ....لووول هاي رنه تلفوني لحظه اشوي برد عليها....
سارة: الووو السلام عليكم.
انا: هلا سارة اشحالج .
سارة: بخير..ممم عليوة شو رايج نطلع ترا والله ملل..
انا: انزين ويا منوة بتطعلين انتي..
سارة: كل شلت الكلاس شو رايج.
انا: خلاص برمس اميه وبرد عليج اوكيه...تعالي عنود بتي..
سارة: اكيييييييييييد.
انا: خلاص ثواني وارد ادق.
وصكيت عنها.
مممممممممممممم شو رايكم اسير والا ماسير.
بس انا ملانه...
ومحتاجه اغير جو...
يعني بنزل تحت وبشاور اميه وماعتقد ان اميه ترفض.
يله الحقوني ....
نزلت من الدري ولقيت اميه يالسه في الصاله..
انا: اميه البنات عازميني..ويايه اشاورج ابا اطلع وياهن.
(((تتوقعون اميه توافق...ههههههههههههه فديتها اميه الم حبوب يعني ابسرعه اتوافق خخخخخ مشكله الثقه )))
اميه: ابرايج بس شوفي جان ميروة تبا تسير وياج..
فخاطري(((والحين ميروة شخصها)))
انا: انشالله بس فخاطري(((انشالله ماتوافق)))
سرت صوب الدري بس دعمته الدري وانكسر ظفري اف والله انه فايج ينكسر وانا من مده احاول اطوله اسميه حاله هالعله)).
المهم ركبت الدري وشليت ظفري ويايه وسرت صوب المطبخ وعقيته في الزباله أي قلبي يعورني لا والشي اللي يضحك مصبوغ بعد هههههههههههههههه...
سرت صوب حجرة ميروة ودقيت عليها الباب..
ميروة فتحت الباب..
ميرة: هاااااااااااااااااا
انا: انا بطلع ويا ربعي بتين.
ميرة: لا
انا: احسن.
الحمد لله ماوافقت اشوى... برد حجرتي بكلم سارة..
دشيت الحجرة ويلست على الشبريه ودقيت على سارة.
سارة: هلا هلا بشري.
انا: اف ياسارة شو اقولج .
سارة: امج ماطاعت.
انا: لا وافقت.
سارة: عيل بلاج.
انا: سارة ماعرف شو البس..والا اقولج انتوا مابتسيرن
هوامات الفريج.
سارة: حديقه ال .......(((احم احم مب لازم تعرفون بلا ها الفضول يعني ههههههههههههههههه)))
انا: اها يعني لازم البس بنطلون خلاص متي بنطلع.
سارة: شوفي عليوة انا بمر عليكن بسيارتي..((سيارتها قالت هههههههههههه))) احم احم
انا: هيه ماشالله خلاص فكيتني يزاج الله الف خير
بس على الساعه كم..
سارة: خليج جاهزة على الساعه اربع(((خيبه عز الحر)))
انا: انشالله.
سارة:see you
انا: جلبي بويهج باي.
وصكيت التلفون...
مممممممممممم انا وراس مالي يمكن ثلاث بناطلين شو البس...مممم عندي واحد اسود واحمر وازرق....
مممممممممم خلاص بلبس الاسود..
سرت صوب الدريسنج روم((غرفه الملابس))....واتنقيت بدي غاوي اونه عاد حق الكشخه فديتني كشيخه..
وسبوح مابتسبح لاني يوم نشيت الصبح اتسبحت خلاص بس باقي احرق شعري اتعرفون الاناقه مطلوبه..وبعدين شعري قصير مابياخذ وقت وايد..
استوت الساعه اربع..والانسه منشن ماوصلت....
حطيت قناه ميلودي اشوف اخر مصاختم والرقص والاغاني اللي مالها معنى لا والقهر كل 3 دقايق يطلع مغني ايديد على الساحه حشا حشا انا لو اطرش امالي عادي بيقبلونها...بيسولها اشويت تعديلات ولبس فسفوري وبتستوي جينفر لوبز....يالله جان الا جنفر لوبز بتشتكي لو درت...يالله ماعلينا منها هاي الثانيه هاي جينفر لو تنبشون راسها قمل ريج عطي عنج يا جينفر...
اوووة مب زين الحش....((بعد ماغسلت اشراعها اونه مب زين...
انزين وصلت سارووة يله بنزل عن تتحرطم...بس لازم اقفل حجرتي عادي انا اطلع من البيت وميرة هيه والفرقه مالتها ينبشون(( الفرقه لاتخافون مش اغاني... اطري اخواني الحشكل)))
يله بقفلها وبتوكل....
اووةاتذكرت ظفري والله قلبي يعورني عليه...
نزلت من الدري وشفت اميه وقلتلها ان ميرة مابغت تي ويايه..(((فكه)))
طلعت وركبت سيارة سارووة....
الحين تبون تسمعون السوالف اللي في السيارة والا مب لازم....
انا اقوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووول...
احم احم وبعد التفكير المتواصل الذي دام بحرف الواو خلاص بنسمعكم السوالف اللي في السيارة..
اللي كان في السيارة سارة وانا عنود وجدام كان الدريول اون اونه هههههههههه حلو الاستهبال اكيد الدريول والا منو بيسوقبنا...المهم جدام كانت يالسه هدى.
انا اول مافتحت الباب...
السلام عليكم.
الجميع: عليكم السلام.
اقول عنود ضكي بيلس...
عنود : حشا حشا ياعليوة اسميج مستعيله.
انا: يله عاد مابا اوقف وايد الميكب بيذوب هههههههههههههههه..
المهم اتفيزرت في السيارة...ويلسن يسولفن..
انا: والا وين باقي الشله.
سارة: وفوي بتيب الشله الثانيه ابسيارتم .
انا: اشوااا .
بعد نص ساعه وصلن حديقه!!!!!!...(( مابقولكم ))
وكانت وفوي حاجزة شاليه بس تدرون انا لين الحين ماعرف شو السالفه ولا اعرف شو سالفه العزيمه يله انشالله خير...
هاذيلا ربعي في الجامعه
بنات طيبات وكلنا قلبنا طيب وانحب بعضنا وايد ولا وحده ترضى على الثانيه والحمد لله...
هاي الايام بصعوبه نلقى ناس نثق فيهم ... او حتى نثق ان اندخلهم بيوتنا....
المهم وصلنا وكانوا حاجزين شاليه رقم واحد ياي والله حلو عدال البحر واليوم يوم بنات يعني ماشي حشرة ولا شي اولاد...
سارة زختني على صوب قالتلي لادشين الشاليه استغربت قلتلها ليش وبعدين حر برع والا انا عازميني عسب ايلس خاري...الصراحه هيه قهرتني يوم قالت جيه...
اتضايجت وسكت عنها....
سرت انا وسارة وعنود ويلسنا نتمشي في الحر...
ويالله انا احاتي شعري اخافه يقفط ههههه صدق اني فايجه بس يله والله ان هم البنات كشختهن والا شو رايكن يالبنوتات اللي يقرون قصتيه...
استوت الساعه ست...
انا: سارة بس عاد خلينا انرد الشاليه وانسلم على البنات.
سارة: لا علايه شو رايج انسير صوب البحر.
انا: اوكيه...
عنود: علياء حلوة اليوم شو عندج.
انا: لا فديتج ماعندي شي..انا دومني حلوة(( انتوا اتعرفون الغرور مطلوب ويا البنات)))
عنود: فديت الثقه.
انا: شكرا جزيلا
سارة: عليوة شو شكرا جزيلا من أي برنامج انتي ظاهرة ليكون المناهل.
انا: هع هع هع اتنكتين اونج.
عنود: ههههههههههههههههه
انا: يله خلونا انسير صوب البحر.
بس قويه(( جزيلا ))توني فكرة فيها هههههههههههههههههههههههههه
انزين اذن المغرب وقلت حق سارة ان الدنيا ظلمت ولازم انرد الشاليه على الاقل انقول حق البنات ان نحنا موجودات.
سارة: مايحتاي هن يدرن لان هدى اهناك.
في خاطري اف يا سارة كيف انتي عنيده.
انا: انزين بلاج حد زعلج انتي متضاربه ويا شله وفوي والا شي قوليلي.
سارة : لا والله بس خلينا نتغلى عليهن بلاج.
انا: خلاص اللي تشوفينه يام راس يابس.
عنود: هههههههههههههه اسميج ياسارة راسج يابس.
بعد خمس دقايق رن تلفون سارة وسارة سارت اشويه ابعيد عنا بس ماكملت دقايق عقب ردت علينا وقالت :
سارة: يله بنات انا عطشت شو رايكن انسير الشاليه.
انا: الحمدل لله مابغيتي.
عنود: اسميج يا عليوة دوده.
انا: يعني عنود انتي عايبتنج حالتنا من الصبح اندور برع.
عنود : لا
انا: عيل انطبي.
سرنا صوب الشاليه بس كان الشاليه مظلم.

سكت...شو بقول يعني ههههه
بس استوت حركه مب حلوة عنود وسارة ركضن عني ودشن الشاليه...
صخيت بس في خاطري ميته من القهر.
وصلت وفتحت الباب اتعرفون شو لقيته مقفول...سرت الباب اللي جدام وفتحته بس مالقيت حد غريبه امساعه شفت عنود وسارة يربعن ودشن الشاليه...(((ليكون مسكون هههههههههههه لا لا))
فجاه فجاه
فجاه فجاه
سمعت كلمت...
Surprise
وانفتح الليت والبنات يصفقن ولافته مكتوب عليها كل عام وانتي بخير ياعلياء...
تميت متسمرة مكاني....اللي يقول نمله شايفه فيل..
واتيمعن وسلمن عليه ويباركولي وكل واحده ناولتني هديتها...
ووفي كيكه اكبيرة على الطاوله واحلى شي صورتي على الكيكه ياي...
ابصراحه مارمت ايود عمري ويلست اصيح من الفرحه...
ابصراحه ماتوقع والله منهن ها الشي والله انهن بنات طيبات..
وفاء: بلاج علياء حبيبتي لاتصيحين..
انا: بس والله ماتوقعت انا بروحي ماتذكرت ان اليوم عيدميلادي.
لويت عليها....
وسرنا وطفينا الشموع ويلسن البنات يرقصن ابصراحه كان يوم رووووووووووووووووووعه يجنن ولا يخطر على البال..
استوت الساعه 9 وعقب قررت عاشه اربيعتنا ان نطلع على البحر ونيلس نلعب بالماي ...
وكلنا الشله سرنا ويلسنا صوب البحر....ياي روعه كان الجو ابصراحه يجنن...
فجاه فجاه فجاه(((لا لا تخافون ماطلعلنا حوت هههههههههههههههههههه حشا جان حوت على السيفه كدينا خير عيل هههه))))
رن تلفوني....
المتصل: الوووو هلا والله بعلياء.
انا: هلا بس منو ويايه.
المتصل: انا ماعرفتيني.
انا: لا ليش منو انته جورج واشنطن.
المتصل: يايولي على الدم الخفيف.
انا: ليكون قسته وانا مادري.
وفاء عليوه يولي صكي في ويهه.
انا: لا صبري بشوف السبال شو يبا يعرف اسمي بعد..
المتصل: انا سبال.
انا: هيه
المتصل: الله يسامحج.
انا: شو تبا .
المتصل: المهم يوم بتردين البيت بتلقين جدام باب بيتكم علبه لو سمحتي خذيها وشوفي شو فيها..
وصك في ويهي....قطع الخايس..
وفاء يلست تتحرطم عليه..انا ادري ان المفروض ماطول وياه ولا اسويله سالفه بس قهرني يقولي هلا علياء يعني يعرفني...بس كيف هاللي جاتلني....
استوت الساعه عشر ووصل دريول سارة وركبنا انا وسارة وعنود بس هدى شلت قوم وفاء بيوصلونها لان ماشي مكان في السيارة ترا الهدايا مالتيه غطت على السيت اللي جدام وحليلها هدى ماقالت شي وقالت ان وفاء عرضت عليها ان توصلها....
وصلت البيت....
بس وقفت اشويه عند الباب ادور الصندوق...
لقيت الصندوق ورا الشير...تتحدون عدنا شير..
شليت الصندوق والهدايا وخليتهن عند الباب وزقرت امالي عسب اتشل السامان..وقلتلها ان توديهن حجرتي...
وسرت عند اميه وخبرتا عن المفاجاه اللي سونها البنات حقي...
اميه استانست وايد...وقالت اني استاهل...
سرت فوق اتسبحت وصليت العشا...
وسرت صوب الصندوق وفتحته...
وشفت فيه!!!!!!!!!!!!


يوميات علياء4

فتحت الصندوق ولقيت فيه علبه فتحت العلبة ولقيت فيها سلسله وايد حلوة ...الحين اللي يهمني البطاقة عشان أشوف منو اللي مطرشنها البطاقة كانت وايد حلوة مرسوم عليها اونه حركات من الأعياد ميلاد....المهم أول ما فتحت البطاقة وقريت اللي فيها..(((كل عام وأنتي بخير ياحلى علياء ..صديقتج: ريم)))...
اللي يغربل عدوج ياريموة جان ها مقلب من مقالبج ...حشا ولا تيوز هالمرة منو مطر شه أخوها وألا حفيدها هاي العيوز بسير أتصلها بس ببين نفسي باردة ....حرام بعد يابتلي هديه واصارخ عليها أخاف اتقولي هاتي سلسلتي بعدين اتوهق ههههههههههه..
سرت صوب تلفوني فديت تلفوني أنا ...
أول مازخيته رن حشا حشا..
المتصل ريم...
اووة ريموة داقه ببين أني عاديه وبستهبل.
أنا: الو .
ريم: هلا والله بعلياء.
أنا: هلا والله بريماني وينج أنتي فاتتج اليوم الحديقة اسمينا استانسنا.
ريم: ابصراحه انعزمت لكن والله كنت مشغولة عليوة.
أنا: لا عادي افا عليج.
ريم: احم احم ماوصلج شي.
أنا: مثل شو يعني.
ريم: ممممم هديه.
أنا: هيه اكيه احذالي ومشكورة حبوبه على الهدية.
ريم في خاطرها (((اللي يستر هالبرود وراة شو))
ريم: انزين ممم شخبارج بعد.
انا: الحمدلله انتي علومج..
ريم: عليوة!!
انا: عيونها.
ريم: زعلتي.
انا: على شو.
ريم: على المقلب.
انا: لا عادي ضاريه..بس منو كنتي مطرشه.
ريم: اخويه.
انا: ولين متى بتمين جيه.
ريم: لا والله عليوة اتعرفين اني اتمصخر.
انا: لا عادي ريم لاتعتذرين غناتي مردوده حركاتج هههه.
ريم: شو مردوده لا دخيلج عليوة اعرفج خبيثه هههههههههه.
انا: عيل اتحملي اللي اييج.
ريم: ههههه يله علياء انا برقد تعبانه تامرين بشي.
انا: لا فديتج تصبحين على خير.
ريم: وانتي من اهله باي.
وصكينا عن بعض...
اخ يالقهر ماحصلت هزبه يالله مرة ثانيه اللي يقول عاد هيه بتوقف من مقالبها.
يلست اطالع هدايا ربعي والله وناسه وحليلهم ...
رن تلفوني....
المتصل وفاء...
انا: هلا والله.
وفاء : علياء سوينا حادث.
انصدمت.....
انا: متى وخير وكيف وانتي وين ويين باقي البنات.
وفاء: انا بخير والحمد لله انا قلت حق دريولنا يوصلني اول شي لان اميه تبا التلفزيون اللي في حجرتي ومحتشرة وانا كنت قافله غرفتي...المهم نزلني الدريول وبعد ربع ساعه دقولنا من المركز وقالولنا انت الدريول مسوي حادث...
انا: انزيييييييين والبنات.
وفاء: لا مستوالهم شي والحمد لله.
(((عنلاتج يافوي روعتيني)))
انا: الحمدلله ماستوالهم شي تستاهلون سلامتهم.
وفاء: الله يسلمج.
انا: يالله ياوفوي كيف روعتيني..
وفاء: سوري علياء بس لازم اخبرج.
(((هيه صح لان لو خبرتيني اليوم الثاني ببرطم عليهم)))
انا: هيه عبالي احسن ماخليتني اخر من يعلم .
وفاء: هههه يله عليوة تصبحين على خير.
انا: وانتي من اهله.
صكيت عنها.....(((حشا حشا الجزء الرابع كله مكالمات ههههههههههههههههه)))...
بعد ماصكيت عن وفاء...اتوجهت للصاله... يمكن القى حد من خواتي واسولف وياهن...
وصلت الصاله..ولقيت امويز...
موزة: هلا والله وكل عام وانتي بخير.
انا: وانتي بخير ليش يالسه ابروحج ليش ماييتيني فوق بنسولف.
موزة: مادري كنت بسير بس اتعايزت اركب الدري.
انا: هيه ماشالله عيزتي يمج..انتي ريلج كمبيوتر وعيالج ماوس وكيبورد واحفادج فلوبيات هههههههههههه.
موزة: هههههههههههه حلوة حلوة.
انا: منو النكته وا لا انا ههههههههههههه.
موزة: دبه طبعا النكته.
(((ياراسج انتي مايطلع شي منج عدل)))
انا: هههه مشكله اليهال.
دش سلطان الصاله وسلم علينا...وصبله كوب حليب ويلس على طرف الصاله...
سلطان: التلفزيون ليش امبندينه شغلووة.
انا: الواير مش موجوده شالينه الصغاريه وحاطينه في حجرة اليهال.
سلطان: انزيت ليش ماتشترولم واير.
انا: لا غالي هههههههههه.
سلطان: عفان الله.
انا: بلاك انته تراني اتمصخر..
موزة: وحليلج الحين بيرشج بالحليب.
(((صخي انتي لاصطعج حرم كمبيوتر)))
انا: ليش شو قلت انا.
وصكينا الموضوع ورد سلطان كوب الحليب وطلع برع البيت..
شكلي ماقلتلكم ان اخويه عبدالله اللي عمرة 11 يرفع الضغط وايد .....

عبود كان يزاعج ويا عدنا ..
عبود: ابا فلوس بطلب من الدكان حق المدرسه.
انا: عفان الله خير لين باجر
(( وانتوا تتوقعون ان قلت هاي الرمسه بو راس يابس بيقتنع مستحييييييييييييييييييل))
عبود: ابا الحيييييييييين بسرعه.
انا: كم تبا.
عبود: عشر.
انا: اسمع انته بصفعك تراني شو عشر بعد بسك ريالين يله.
عبود: خليهم حقج.
وطلع والله ولبسني سخيف ...
...سالم شخصيته مرحه وانا عن نفسي اتخبل عليه هالولد يجنن اسلوبه روعه وكلنا نحبه بعكس عبدالله بو راس يابس...
دش سالم الصااله جان يقول..
سالم: اهلا وسهلا شرفتونا..
موزة وانا: هههههههههههههههههههههههههههههههههههههههههههههههههه هههههه.
مارمنا انيود اعمارنا...
STOP شكلي ماخبرتكم ان اخويه مدمن قناةSPACE TOON و TEENZ يعني ساعات يغيبب عن المدرسه لانه يسهر على هاي القنوات...وهو وايد متاثر باللغه الفسحة ...
انا: انته بذمتك فتحت شنطتك اليوم.
سالم: هيه.
انا: متى؟؟
سالم: اليوم الظهر يوم طلعت لعبتي اللي عاطني اياها اربيعي رشود.
انا: لا والله وقام ينكت الولد... انا اقصد يعني ذاكرت حق باجر ماعندك واجبات..
سالم: عفان الله حد يكتب الواجبات ها الوقت انا كتبتم من زمان...
(((قفطني)))
سالم: موزة ابا استعمل الكمبيوتر لان المعلمه قالتلي لازم ادرب على برنامج الورد..
موزة: انزين سير افتح الكمبيوتر.
انا: اووة ياسلوم وين ايامك يوم تييني انا وتطلب مني ...
سالم: انا كل مادق عليج الباب اتخيسيني برع.
((( هيه والله انا دوم انقعه برع الباب وحليله)))...
سار سالم حجرةموزة .... وموزة تمت ويايه في الصاله ويلسنا انسولف لين الساعه 12 الفليل....
اميه كانت سايرة بيت يرانا وتوها دشت وكانت شاله طاسه شامي... عاد انا الشامي لا حب اشوف شكله ولا حب ريحه استغفر الله يعني....
ويلست أميه تمدحه اقربن تعالن ها شامي هل الذيد وأنا في خاطري مابا مابا....
انزين رن تلفوني الساعة 12 وربع...الرقم غريب...وأنا منو بيتصلي ها الوقت لايابويه ما برد بخلي أميه أترد...
!!!: الوووو
أميه: نعم.
وجان يصك في ويهه أميه...
أميه: وغربلت إبليسكم ياللي ما تستحون...
أنا: خيبه منو أميه ..
أميه: مادري والله بس إن ردوا يتصلون هاتي مبايلج وألا اقو لج أغلقيه وهاتيه بحطه في سدتي..
(((ياسلالالام وأنا أتم بدون تلفوني)))
أنا: انشالله.....موزوة شو رايج نسهر على فلم..
موزة: لا لا برقد أنا تعبانه..
أنا: انزيييييييييين...
وسرت عنهم حجرتي...
رد تلفوني يرن...
خيبه شو هالمصاخه ...بس أنا مارديــــــــــــــــــــــــــت عناد...
يعني أنا ادري أن رقمي حلو وأيد عاد بس ماحب حد يزعجني لووول.
المهم غلقت تلفوني سرت صوب الحجرة .........

وسرت صوبي السمجة ...
؛( لقيتها ميتة ....مسكينة والله خلاص باجر بنسويلج مراسيم العزى والدفان...غمضتني والله...
دشيت حجرتي وبدلت ثيابي ورقدت.....
بس حلمت بالسمجة...
مسكيييييييييييييييييييينه...خيبه حشا ارمس وانا راقده ههههههههههههه خلاص يله اشوفكم على خير في الجزء الخامس...
تحياتي: عليووووة ...............

يوميات علياء5

الساعه ثمان الصبح....ادري ادري من وقت... بس نشيت على صياح سالم حشا مايبا يصيح الا عند باب حجرتي...
نشيت من الرقاد وكنت تعبانه ماروم اشل عمري...وفتحت باب حجرتي...واشوف سلوم يصيح...

انا: بلاك يالخايس اتصيح شو عندك.
سالم: سمجتي ماتت..
((((في خاطري ماتنلام السمجه لا حد يراعيها ولا يجابلها وين مابتموت ...)))
انا: انزين متى اخر مرة اكلتوها.
سالم: السمجه مب زين تاكل.
(((( !!!))))
انا: ليش بلاها السمجه.
سالم: كنت اسويلها رجيم لان بطنها منتفخ وايد.
انا: لا والله وفي أي مجله قريت ها السخافه.
سالم: من مخي .
انا: دام ها مخك عيل جمعيه حقوق الحيوان بتشتكي عليك
ابصراحه عمري ماشفت ها الذكاء الخارق وانا عن نفسي تراني ضربته وخليته يصيح زياده ابصراحه قهرني...لو كنتوا مكاني اعتقد بتسطعون اخوانكم ابعصا بعد...
اف منه ...
.....يا عبدالله اونه طيران...
انا: تعالوا بخبركم وين المدرسه ليش ماسرتوا..
عبدالله: اجازة اليوم.
انا: شو المناسبه.
عبدالله: الخميس.
انا: نسيت
سرت تحت عند اميه...
اميه: ليش ضاربه سالم.
انا: لانه يقهر...اميوع السمجه لين ماماتت ويقول اونه يسويلها رجيم.
اميه : هههههههههه
انا: وبعدين ضربته عسب مايعيد هاي الطفاسه.
رديت فوق...
حشا لا غسلت ويهي وعافده عند اميه...
دشيت اتسبحت ...ورديت نزلت كانت الساعه 9
شفت عبود وسلوم يلعبون بالاسكيت...
ياحظهم عندم اسكيت...يلست على الدري...
يله دامني يلست على الدري وشفت الاسكيت اتذكرت سالفه...
قبل كمن سنه....يعني كنت اصغر اشوي....حلمت اني راكبه اسكيت...عاد سميت عمري شي وسرت اليوم الثاني الصبح ادور اسكيت علي الجديم لبسته ولبست مال الوقايه عسب اذا طحت والا شي...
ابويه شافني وقالي علياء تراج بطيحين...
وانا بكل شجاعه لا ابويه والله وناسه...
بس ابويه كان حاس اني بطيح...
وجان اطيح...
واتجبست وحليلي مب مني من الحلم ...
سبحان الله ... دوايه...عيل حد ينفذ احلامه هههههههههه..((بس))
......فجاه ياني عبدالله....
عبدالله: ملل تعالي لعبي ويانا..
انا : مالي بارض..وين سلوم عنك.
عبدالله: يلعب جدام..
انا: انزين اتحملوا لاتلعبون في الشارع.
عبدالله: انزين.
سرت فوق ...
دشيت حجرتي واتذكرت اني غالقه تلفوني من البارحه فتحته..ويلست اطالع ها مال الدعايا مالت النوكيا يوم الولد يحط ايده على ايد الريال....
...ولقيت مسج...
المسج يقول.....((( كثر التلغي مايفيد..)))
والرقم غريب يعني مابهتم لاني مش فايقه...واعتقد ان كلكم تقريبا توصللكم ارقام غريبه ومسجات اغرب...بس لازم ما نرد على أي حد...نصيحه والله..
انزين انا ناقصتني اشويه اغراض ودام اللحين الصبح بقول حق اميه اني ابا اسير صحارى بغيت اغراض...
وبشل عبدالله ويايه بس اخاف سالم يغار يله بشلم هم الثنين مافيني على المضارب...
سرت عنده اميه ومثل ماقلتلكم ماما الم حبوب يعني بتوافق ابسرعه...
انا: اميه ابا اسير صحارى وبشل عبودي وسلومي(((ادلعهم عسب اقردنها هههه)))
اميه: انزين ابرايج بس لاتتاخرون..
انا: انشالله..
((بس طبعا مافي أي مركز يفتح الساعه تسع يعني بتريا الساعه 10 ونص تقريبا وبطلع..)).
سرت عند عبود وسلوم عسب يسبحون ويجهزون ووصيتم يلبسون كنادير وقحافي...شكلم والله يطلع حلو..فديتم))
عبدالله: اقول علياء ابا اشتري سيارة سابق ولاحق.
سالم: وانا ابا اشتري سمجه.
انا: انا ماعندي أي مانع...بس سيروا خذوا من اميه بيزات.
عبدالله: عفان الله انتي دفعي الا 35 والسمجه الا 5 يعني المجموع اربعين.
انا: اقول افصخوا كناديركم مابسيير.
سالم: الله يخليج علياء بس سمجه ولا تشترين حق عبود أي شي عقابييه بولسان طويل.
افففف ونقع البكس عبود رفس سلوم وسالم حركات دقني بنقع ابسرعه يصيح...انا حرجت على عبدالله وهزبته..
عبدالله: انزين ابا ايلس جدام..
((لاحووووووووووووووووووووول))
سالم: لا علياء انا بيلس جدام لان عبود يحشر الدريول بأسألته الغبيه.
يلست اضحك عليهم..
انا: لا انته ولا هو ولا حد بييلس جدام..
سرت فوق اتلبست ونزلت تحت...
واتصلت حق الدريول عسب يشغل السيارة...
وركبنا السيارة...
بعد دقا يق أشوف الدر يول واقف عند المحطة ...اونه ماشي بترول...
انا: انزين انشالله قتله فول.
الدريول: هيه..
((في خاطري براويك يالسبال))
وزوعوني 105 لان سيارتنا استيشن....
وسرنا صحارى...
عبدالله وسالم يتضاربون ويصخون فجاه اسميهم خبايل...
وتم سلوم يسولف عن ربعه اللي في المدرسه....وانا اضحك عليه ابصراحه سوالفه اتضحك وخاصا المقالب اللي يسويها حق البنات...ويكرة وحده في الكلاس اسمها شمسه يالله هاي البنت من كثر مايطريها سلوم كرهتها ابا اضربها....مممم مثلا اللي يقهرني انها حاطه دوبها ودوب اولاد الكلاس ماتتعاون وياهم لانها على قولت سلوم مغرورة لانها طالعه الاولى عليهم ..مممم من حقها والله بس عاد تراها انانيه...
قالي مرة سالم انها كانت يالسه جدام عند المعلمه وانها كانت تواشي على سيف انه ماكتب الواجب ..انزين سلوم قالي اف منها هيه اشلها يبالها ضرب..وكانوا شله سلوم اخويه متعاونين ان يضربونها ضرب....بعد الكلاس طلعت المعلمه مالتم ..
وشو سووا نايهاهاهاهاها....زخوها من شعرها ومطوة وخلوها تصيح ... هههههههههههه تتادب الوشايه بس صدق ماتلاحظون ان الشطار عادتا يواشون وايد ابصراحه انا كنت اعاني من هاي المشكله يوم كنت صغيرة لان البنات كلن يواشن حشا عفان الله ماعندن روح التعاون.....يعني ماكنت هاك الزود شاطرو يله ايام وعدت...
بعد دقايق وصلنا صحارى...يالله كيف نسيت عمري وانا اسولف عن سالم ....
قلت حق الدريول انه يوقف في الباركات اللي تحت لان ماحب انزل جدام ليش...؟
لان كل الشباب يالسين في ستار بكس اللي جدام ...وانا بصراحه استحي...
وانا اكتب اتذكرت شي هههههههههههههههههههههه اول شي ضحكت لحظه برد اضحك ههههههههههههههههههههههههه...اكيد اتقولون في خواطركم اكيد بتتلاقى ويا اللي تحبه في صحارى ..وانا اقولكم ((لا)) ....اوني اطورت وغيرت اشويه طريقه القصه لووول...يمكن احب ويمكن لا ....كل شي جايز وبعدين الحب مب حرام صح....
المهم ...
نزلنا..وركبنا الدري المتحرك ...ودشيت دبنهامز بغيت اطالع شو ايديهم ...وسحبت اخواني ويايه ...اخاف يضيعون...
ونحنا داشين اخويه سالم شاف فستان يلوع بالجبد ..جان يقول بصوت عالي عليوووة شوفي هاللبس القرنبع هههههههههههههههههههه....
أي ويهي ...
وكان في واحد واقف عند العطورات وسمع سلوم وهو يقول هاي الرمسه ويلس يضحك ..اي ويهي عورني بصراحه...
زخيت سالم وقتله ...
أنا: بذمتك تم حد ما عرف اسمي في المحل..
سالم: اووة سوري..
عبد الله: ها شفتي الغباء الحين منو الغبي فينا..
أنا: انطب انته يالله ماصدقت تلقى شي على سالم.
((بصراااحه لاتقولون اني افرق بين أخواني بس ترانيه أحب سالم وايد احسبه برئ زيادة عن اللزوم أما عبدالله ترا ياخذ حقه بيده...فيعني لاتحاتونه بولسان طويل..))...
يلست اتمشى ويا الحشكل اللي شالتنم ...ابصراحه ويهي عورني لان كلمته قرنبع ابروحها اتضحك ...يالله انشالله ينسى الريال...المهم ماعلينا من الريال...
لقيت بدي حلو يلست اطالعه بس عبود علق...
عبدالله: اخ شو هالعنقاش..
انا: ليش بالعكس وايد حلو.
عبدالله: انزين كيفج.
((اسميك انته فايق))
شليت البدي وسرت حاسبت وطلعت من المحل...
سالم: الله يخليج علياء في خاطري اشتري من باسكن روبنز..
انا: انزين يله..
وسرنا ركبنا الدري المتحرك....وعقب سرنا صوب باسكن روبنز.
((ابصراحه مابغيت اكسر خاطر سالم فديته....))
عبدالله: ابا اسير تويز ار اص لاني ابا اشتري السيارة.
انا: اوكيه يوم بتخلصون من الايس كريم بنسير.

علي: ابخير وسهاله...وبعدين على طاري التلفون حشا انتي كل شهر تلفون ...وايد قلبج يعورج يوم عندج بيزات يله عن اللعب اللي ماله معنى ..
انا: انزين في تلفون قبل شويه شفته في الجريده عيبني..
((وانا اصلن لاشفت الجريده ولا شي...))
علي: هيه ها تراه غالي ب 2200
انا: عادي شو يعني ببيع تلفوني وبزيد عليه وانته فديتك بعد بتزيد وبتبليه اياه صح.
علي: شوفي انا عندي شباب اللحين عقب بتفاهم وياج على سالفه التلفون..
انا: باي.
علي: تفو عليج .
انا: خيبه هههههههههههههه
علي: باي.
اسيمك ياعلوووة سوالف...امممم الحين ازعج منوة ياترى والا اقول مب فايجه...بسير عند ميروة بسولف وياها..
اوووة يهالدري كيف يلعوز الواحد ...الحقوني بنشوف ردت فعلها بتفتح الباب والا بتلبسني هاي البنيه..
لحظه.............................................. .......
رديت ........................سرت اشرب ماي من المطبخ..............................
اول ماوصلت فوق لقيت ميروة توها فاتحه الباب...
انا: اشوى زين فتحتي الباب تعالي بنسولف تحت.
ميرة: اوكيه يله اقولج يابو دله الحليب.
انا: هيه..
ميرة: اف راسي يعورني وابا اعدل مزاجي بكاس حليب.
انا: يله انزين...
وصلنا الصاله...
انا: تدرين اليوم اشترينا سمجتين من صحارى.
ميرة: حلفي ..
انا: والله ليش احلف بعد اسميج.
ميرة: حرام عليج الحين مابيسولم سالفه.
انا: لا شكله سالم اتادب لان اليوم الصبح يوم شاف السمجه ميته تم يصيح وشكله بيوز عن هالسوالف..قبل يوم كانت عدنا هاييك القطوة لعنوا بو الخير فيها...
لين ماماتت...
ميرة: وين ماتبينها تموت عيل يحطون القطوة في الماي الحار ويوم نسالهم اونه حمام سونا...
انا: هههههههههههههههه الله يقطع ابليسم والله انهم مابييوزون.
يلسنا انا وميرة انسولف ...
لين الساعه سبع تقريبا.....
حسينا بالملل....
وسرت حجرتي ورقدت بصراحه ماكان لي بارض …..راسي يعورني…يوم بنش باجر بسولف وياكم….
باي ...تحياتي: عليوووة...شوفوا اسوي دعايا حق عمري لووول.

يوميات علياء6

السلام عليكم ورحمه الله وبركاته....
اليوم الجمعه لاتنسون...

نشيت الفجر لاني البارحه رقدت من وقت اففف انا شو يقومني من الفير يله بتحمل الملل ..

سرت اتسبحت وكانت الساعه 5 تقريبا ....
قريت كمن آيه صليت الفجر وطلعت من الحجرة...
انا: غريبه حشرة في حجرة علي..اكيد سهران على النت والله فايج شو مخرب عيونه غير هاي السوالف الا نيت وتلفزيون والحاله لله كيفه عيوني والا عيونه..
ممممممممممم شو اسوي الحينه اول شي بسير المطبخ يوعانه ماتعشيت البارحه ...
وانا خاطفه على الصاله شفت الضحايا في الصاله ويلست اضحك ..طبعا كلكم تعرفون منو الضحايا اللي هم رقيه ((السمكه الاولى)) وسبيجه ((السمكه الثانيه))...ماعليه ادلعن اليوم يابختكن بتشوفن الويل مع الايام ...
مشيت صوب المطبخ ابصراحه عاد انا جنيه سرت المطابخ اللي برع لاني يوم خطفت الصاله اللي تحت مالقيت شي...
وانا امشي..سمعت صوت خلاني افز من مكاني...
شو تتوقعون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سلطان يالسن برع....وكان يرمس في التلفون حشا منو يرمس هالخبله..
سلطان: شو تسوين خاري مينونه انتي..
انا: سايرة المطبخ ...يوعانه .
سلطان: اخر مرة تظهرين ابروحج ماتخافين انتي شو من القلب عندج انتي... اعنبوة انا ريال واتروع انصاص الليالي..((في خاطري ها شو يقول ليكون مايدري ان اللحين الفجر والشمس خلاص بتظهر)))...
لاحوول والله ياسلطان ثرك فايج وانا راسي يعورني ...
انا: انشالله ..تبا شي من المطبخ.
سلطان: يله ابسرعه احدري المطبخ وردي الفله مرة ثانيه..ان شافتج امج بتهزبج..
انا: انشالله...ممم منو ترمس انته مخلي الريال يسمع رمستنا ..
سلطان قفط ابصراحه يتادب انا هاللي بغيته يالس من الصبح يهزأني..واللللله ناقصتنه انا..
سلطان: انجبي يالس اسمع الاف ام.
((( قص عليه نونو انا ))
انا: انزين انزين...
سرت المطبخ وفتحت الثلاجه ولقيت فيها لبن ابصراحه هاللي جذبني صبيتلي في كاس ورديت اللبن مكانه...يوم طلعت من المطبخ رديت مرة ثانيه وخذت دبت اللبن وسرت فوق انا اقول تكون فوق احسن ...عشان اذا بغيت ماتعب نفسي واسير برع...
رديت حجرتي وحطيت قناة ميلودي حاطين اغنيه غبيه ابصراحه اغبى من هاي الاغنيه ماشفت...المغني اسمه ..ريكو .. والاغنيه طهقان زهقان..ابصراحه لاعت جبدي عنلاتك يالسه يترقصلي جدام البحر وين تبا خاف ربك يالخسف..ويلست اتحرطم على كل اغنيه تطلع والله فايجين..
ممممممممممم ابصراحه مليت بحط راسي وانشالله ارقد بس...
ممممم لحظه بتلحف ..
اتلحفت ورقدت..
البيت كان حشرة من الخاطر اف شو هاي الحاله مايخلون الواحد يرقد على راحته .. نشيت وكنت من خاطري معصبه الود ودي اجتل اللي في البيت كلم.
بطلت الباب ولقيت البشاكير ينظفون الصاله..المدام امالى واربيعتها شاندرا.
انا: حد ينظف هالوقت.
امالي: اخت مال انتي ايجي اليوم.
انا: انزين والاحتفالات من اللحين .
امالي: ماما قول الحينه.
انا: صكيت الباب ودشيت اتسبحت عاد اليوم الجمعه وخواتي شكلهن بيتيمعن اليوم .((الله يعين الحشرة والنغزات اللي ابيزة.))
يالله بتحمل.
خلصت السبوح واتلبست ونزلت واتريقت ومزاجي كان مول متعكر ابصراحه... وكانوا مسوين محلى وحليب وخمير وزقرت امالي اقول في خاطري هاي الخديه اشعرفها اتسوي محلى وبغيت اتنشدها منوة مسونه....
امالـــــــــــــــــــــــــــــــــــــــــــى.
امالى: نعم .
انا: تعالى.
يت امالي.
انا: منو مسوي المحلى.
امالى: قوم ماما عوشه .
انا: وانا اقول انتي اشعرفج .
امالى: لا انا معلوم كل شي.
انا: ياسلالام وليش ماتسوين عيل دامج اتعرفين كل شي.
امالى: مافي اغراض شو اسوي.
انا: اقول جلبي ويهج سيري نظفي لاني والله بحط حرتي كلها فيج.
وسارت امالى والله اخيرلها لاني كنت معصبه.
دشت اميه الصاله ويلست اسولف وياها وقلتلها اذا خواتي بيين اليوم وقالت هيه ومسويين مجبوس دجاج مممم والله لذيذ حشا يعت من الصبح ولا جني زاجه محلى قبل اشوي..
يلست اميه تتريق ..
اميه: طلبتوا روب من الدكان والا لا.
امي: حشا ياعليوة وايد مستعيله على رزقج.
انا: صدق امايه لان المجبوس بدون الروب مب شي.
امي: لاتحاتين على الغدا بتلقين كل شي جاهز.
انا: انزين
نزلت الظهر على ربشه الصغاريه اخ يا عبود كيف تقهر..
عبدالله: بتيب القحفيه والا لا.
سالم: هاي قخفيتي مش مالتك.
انا: احلى مش هههههههههههه.
عبدالله: علياء شوفيه هالغبي ماخذ القحفيه اذا ماعطاني اياها والله ماسير المسيد.
انا: مايخصني اتضاربوا ابروحكم.
سالم: علياء هاي قحفيتي لان عبود راسه عود.
__ياك الموت ياتراك الصلاة.
عبدالله شات سلوم بريوله والله اخياس مايحشموني ...اونه ههههههههههههههه...
ابويه: شو هالمذهب .
كلنا قفطنا...بس سالم دلوع ابويه...
سرنا صوب ابوي وسلمنا عليه..
سالم: ابويه شوف عبدالله بوراس يقول ان هالقحفيه مالته.
ابويه: ههههههههههههه عيب عيب بوغنيم شوهالرمسه.
ياحرتك ياعبووود...
عبدالله: ابويه مالتي والله مالتي.
ابويه: انزين عبدالله يعني ماعتقد ان هاي القحفيه الوحيده اللي فالبيت يله سير عسب نلحق عالصلاه يله بارك الله فيكم.
.....بعدين هالحشكل اقتنعوا....
ابويه: يله عليوة سيري فوق اتزهبي حق الصلاة ودقي على خواتج اللي مافيهن مذهب شكلهن امرقدات لين الحين..
((هاي فرصتج ياعليووة..))
انا: هيه عفان لله محد ينش من وقت غيري...
سرت حجرتي واتزهبت ويوم اذن صليت..
وفتحت اللاب توب مالي ويلست اقرا قصه اتجنن.
اندمجت من الخاطر ..
ترن ترن.
المتصل عفرا..
((عفرا اختي البجر))
عفرا اوهووووووووو اختيه هاي احم احم بشوف شو بتقول..
عفرا: الووو السلام عليكم.
انا: هلا هلا عفاري((شو تبين في خاطري)).
عفرا: شو تسوين.
انا: يالسه اقرا قصه.
عفرا: ابويه في البيت.
انا: هيه كلم بييون بعد الصلاة.
عفرا: هيه زين زين.
((بدت حركات الاستفزاز)).
عفرا: زين مادقت حصه .
انا: لا والله مادقت ..ليش هيه مابتي.
عفرا: مادريبها بس انا كلمتها الصبح وقالت بتي..
((حركات انتي بعد يوم انج تدرين ليش تسالين))
انا: هيه زين حياكن.
عفرا: يله عليووة برايج.
((عليوة اونه))
انا: فمان الله.
وصكييت عنها ويلست على اللاب توب وفجاه اتذكرت من فترة شاريه جلكسي وفريته في سدتي...والله العظيم ان مالقيته يالتكفيخ بيشتغل اللحينه...
انا الحين نشيت من شبرتي سرت عند السده ايدي تتقرب من القبضه مالت السده انفتحت السده وطبعا طبعا مالقيت الجلكسي وشليت البيت شل مب اني زطيه بس قهر والله قهر يوم اتحس انك تبا تحلي قبل الغدا وماتلقي اللي تباه والقهر بعد يوم حد يدش الحجرة بدون شور اف... اكيد كلكن اتعانوون من هالشي..خاصا البنات مانحب حد ينبش اغراضنا..صح والا لا..
المهم سرت فتحت باب حجرتي ودقيت على ميرووة ..
انا: ميروة فتحي.
فتحت ميروة الباب..
انا: شليتي الجلكسي اللي في حجرتي.
ميرة: لا ليش..؟
انا: شوفي لو دريت انج انتي بتتصفعين .
ميروة: لا مش انا حشا عليه..
انا: وبعدين خواتنا بييون اليوم ..يله اتجهزي بيون بعد اشوي على الغدا.
ميروة: انزين..
ونزلت عنها ...وشفت ابويه وعبدالله وسالم وعلى وسلطان..
على يقرا الجريده وابويه يشرب قهوة وسلطان خزني بعينه عسب حركه الصبح والخيبه وعبدالله وسالم يالسين مع بعض وشكلهم مارين على الدكان منو قدكم ..
انا بكل رقه وادب..
عبدالله: عطني قطعه من كندر.
عبدالله: يله يله.
سالم: تعالي انا بعطيج وبلعب بالعلبه.
انا: لا مابى ابا من عبود.
عبدالله: لاتحاولين يله يله.
انا: قد هالحركه.
شوفو النذاله,,
عبدالله: ابويه شوف علياء.
انا: بتندم.
عبدالله: ابويه قالت انها بتنندمني.
((طع السخافه بروايك ياعبود))
ابويه: علياء يوزي عن اخوانج.
انا: ابويه ماقلت شي والله بس كنت ابا قطعه من الحلاوة.
ابويه: خليهم في حالهم..مافيني عالصدعه.
انا: انشالله.
سالم بكل طيبه و اعليه عنك ياسلوم فديتك.

سالم: تعالي انا بعطيج وجان بغيتي جبس بعد عادي خذي والله عادي.
فديييييييييييييييييتك والله..
انا وفي خاطري اقهر عبوووووووووود ..
انا: سالم اسكت امسات نزلت رسوم يجنن على اللاب توب شو رايك انشوفه ...سالم اللي فرح من خاطره ...
سالم: ياااااااااي والله متى.
انا: الحين يله تعال .
سالم : اوكي.
عبدالله: بيي وياكم.
اانا: استريح مكانك يله يله...والله ان اشتكيت بصيحك ...
عبدالله: انزين بتشوفيين.
انا: يهيهيهيه خوفتني.
ركضنا انا وسالم وياحلاتها الحركه اللي استوت طحت على ويهي ويلس عبود يضحك وسالم شهق وساعدني..وانا في خاطري ابا ارد بس اصفع عبود وارد اركب الدري واتوجهه حجرتي..
ساعدني سالم ورديت الحجرة واحس ويهي وايد يعورني لاني ضربت الرخام مسكينه ولله انا وحليلي...
المهم يلست وياسالم على الشبريه وراويته الرسوم ..
سالم: علياء اذا مت بتصيحين عليه.
شهقت من خاطري.
انا: بلاك سلوم حبيبي شوهالرمسه غربلاتك مب زين ..
ولويت عليه بالقو مهما كان سلوم الغالي وانا اموت فيه وكلامه صعقني وايد فديته بسته وردينا انشوف الرسوم...
وفجاه اتذكرت اربيعتي الله يرحمها.............
منال: علياء يلسي والله اخافج اتضيعين في السنتر.
انا: لا منوول بلاج ليش انا ياهل .
منال: ياهل ونص بعد.
انا: حرام عليج ههههههههههههه..
كان عمري 16 سنه يعني صغيرة ومافتهم هاك الزود..
يلسنا على الكوفي وهيه كانت اكبر عني بس اتموت فيني ..
منال: شو تشربين ..
انا: تانك .
منال: حووة وين تبين شو تانك انتي الثانيه هههههههههه.
انا: استهبل بلاج ههههههههههه.
منال: اشوى عبالي اربيعتي مش مطورة.
انا: شو بتطلبين انتي.
منال: بطلب عصير فروله.
انا: بطلب شراتج.
منال: علياء اذا مت بتصيحين عليه بتذكرين بعد موتي.
انا: شو هالرمسه منال مب زين ياحرمه اميه اتقول لازم ما نرمس جيه تراها خطفت ملك بس عاد والله قلبي عورني..
منال ماكانت تدري ان في نفس اليوم بتموت ..وفعلا بعد ماردينا البيت سمعت بخبر وفاتها اليوم الثاني ابصراحه مستحيل انسى اعز انسانه في حياتي الله يرحمج يامنال...
سالم: علياء تلفونج يرن..
وانتبهت فجاه والله ماحسيت ان الذكريات خلتني اسير بعيد..
المتصل البيت.
انا: الووووو ((كنت متضايجه))
اميه: نزلي خواتج اهنيه .
انا: انشالله.
اميه: ولبسي شيله لان ولد عمج تحت هو وامه وعمج سيف..
انا: انشالله...((في خاطري لاحوول شو يايبنه رشود الدب.))
سالم : بلاج.
انا: ماشي يله انزل وانا بلحقك ويوز انته وعبود لاصفعكم .
سالم: انزين بتذاكريلي حق باجر ..
انا: هيه بيصير خير لين المغرب.
نزل سالم ...
وسرت لبست واتعدلت اشوي ...بس مب هاك الزود لان اخواني بيطالعوني بنظرة وعقب عادي يهزبوني جدام الخلق...فاحسلي اتجنب هالمواقف يعني..

نزلت وانا اسمع صوت رااشد ولد عمي ابصراحه يقهر مادري ليش يطالعني بنظرة مب حلوة ماعرف اعجاب مادري مادري بس هالنظرة ماتعجبني موووووول....عنلاتك يالجبش ..
نزلت والانظار كلها على في خاطري خيبه خيبه ...
سلمت على عمي وحرمته..وعقب شافني راشد بنظرة سخيفه.
راشد وبكل جرأة: السلام ببلاش علياء.
انا: هلا راشد السلام عليكم.
راشد: عليكم السلام.
ام راشد: ماشالله غديتي حرمه وحلوة بعد .
انا والويهه استوي طماطا: مشكورة الغاليه ها من ذوقج.
راشد وكان صوته بس قريب مني يعني محد سمعه غيري..
راشد: لاتصدقين عمرج عليووة.
اطالعته بنظرة خليته يوخي الماصخ قهرني..
المهم سلمت على حصه وعفرا وعيالهم الصغار..
حصه عندها بنت وولد وحتى عفرا عندها وهي حامل الحينه...
حصه انسانه طيبه وايد عكس عفرا كلامها كله استحقار وقله ادب تقريبا يعني ماتحشم حد مادري ها طبعها والا شو صدق مادري..
عفرا: متنتي علياء.
وانا ولامتنت ولا شي هيه غاديه شرات البطه واشوف كل الناس بط ههههههههههههه..
انا: لا والله مادري يمكن..
اجاملها اوني..ياراسها...
بس اشوى كان الكلام جدامي انا وحصه وميرة..وموزة لابستنا ويالسه ويالحريم صوب اميه وام راشد..
راشد يسولف ويا سلطان وعلي.. اتعرفون خرابيط الشباب...وراشد يطالعني من طرفه عينه الدب مادري شو مسوتله..
طاف طاف في خاطري قاهرني بس منطبه عنه....
مر عليه شريط الذكريات مرة ثانيه..
راشد: علياء انتي اسخف وحده عرفتها.
انا وبكل برود..
انا: مايهمي راشد .
راشد وباستفزاز ...امبلى يهمج وسمعي انتي بتكونين لي فاهمه والا لا..
انا: مب على كيفك.
((((درب درب درب ترا كنا في العزبه انزين يله انرد للحوار الشيق))
راشد ومط ايدي بالقوو.
انا: انته ايه شو تسوي قومي عني .
راشد: احبج ياحمارة..
((انزين ليش اتسب))
انا وبكل عفويه.
انا: حمار محد غيرك..
راشد عصب اقول بوسيني*_+
انا: حقير ..
وشردت عنه الحقير من هاك اليوم محد درى بالسالفه لاني ماخبرت حد ابصراحه راشد وقح وااااااااااااايد اكثر عن اللزوم صح كنا صغار هاييك الايام بس بعد وقاحه..
ورديت للصاله يعني رديت عليوووة 2004 هههههههههههه اونه.
اميه زقرتنا عسب الغدى وكلنا تيمعنا على السفرة وكان سالم احذالي يسولف باشياء بريئه وايد وانا ابتسم واحس بالقو انا حد يطالعني بس طنش تعش تنتعش ليش ديو هههههههههههه ..
عقب ماخلصنا الغدى سرنا وشربنا الشاي وتموا يسولفون لان عادتا ماحب اليلسات العائليه وايد مارز ويهي في الكلام اخاف اتقفط ...مافيني على ويع الراس..
اذن العصر وساروا يصلون العصر واترخصوا خواتي وتموا قوم عميه ..بس حسيت ان راشد محد بس والله مادري انه في الميلس اللي برع ..وبرع في الشوتايم تتحدون هههه سرت لاني اتابع برنامج يجنن على قناه من هالقنوات ومادري ان راشد في الميلس...سرت وفتحت باب الميلس ويلست وعقيت شيلتي و كنت مكيفه على الاخير...والميلس فيه مغاسل اتجنن وهو كان في الحمام يتيدد وبيصلي في الميلس..عسب الرياييل كلم بيتيمعون في الميلس...
بطلعت شعري تتحدون الاسترخاء انتوا ....يلست اطالع البرنامج ..الدب حس ان حد داخل وشافني وانا الغبيه بعدني مادري...
راشد وبكل حقارة..
راشد: ها شو تسوين ليكون تلحقيني تبين اتقولين شي.
انا شهقت زين مامت الله ستر بس....
انا علطول حطيت الشيله.
انا: شو اقول مثلا وبعدين استح على ويهك على الاقل قول هود والله مافيك مذهب يالمؤدب انته...
راشد اللي شكله اتنرفز,,,
راشد: احترمي نفسج عاد واقولج هاي نظراتج اللي كانت في الصاله مب عايبتني غيريها يعني والا لج حساب ثاني ويايه..
انا: هع شو بتسوي مثلن ارجوك رشود روعتني..
راشد: رشود في عينيج..
انا: في عينك انته ..اقول بطلع الكلام وياك ضايع وماله أي معنى اصلن انا ماعرفت كيف اتجرات وكلمتك يابو دم خفيف...
وعلطول طلعت برع ورضخت الباب...حقير قهرني والله عيني انترست دموع وسرت حجرتي ويلست اصيح من القهر يتحسبني غبيه الحقير ...
كان دوم يقارني ببنات عمتي انهن احلى والخ من المديح سخيف بس والله طاف...
باب حجرتي كان يندق...
حصه: علايه بطلي الباب.
انا: انشالله.
حصه كانت تبا تصلي وحليلها وعقب شكلها تبا تسولف..
صلت حصه وصليت عقبها...
حصه وهي على السياده: علياء ترا قوم عمي خطبوج حق راشد وهالسبب نحنا متيمعين اليوم فغناتي مالج غير ولد عمج يصونج وتصونينه يعلني افداج..
(((((((((((( شووووووووووووووووووووووو لا لا كنت اقول في خاطري شو..))))))))))))))
((انا وبكل برود بس البراكين في قلبي كانت اتفور)))
انا: مستحيل اوافق على راشد والا غيرة.
حصه: ليش راشد حلو وماعليه كلام.
انا: مايخصه الحلاة ياحصه شوفي اسلوبه الوصخ.
حصه: بلاه اسلوبه علياء ماشالله احسبه جنتل والله.
انا: ماريده وع
حصه: شو وع اصلن الملجه بعد اسبوع.
انا: شوووووووووووووو بس ابوي ماشاورني.
حصه: وتعتقدين ان ابويه بيرد عميه مستحيل عليوة شو اتخبلتي انتي.
انا واشويه وبصيح الا صحت بعد....
انا: مب على كيفكم .
حصه: عليوة صلي الاستخارة وانشالله خير.
خلتني حصه وانا اصيح ...مستحيل اوافق على هالنذل شو هالمصخرة منو قال اني بعرس طع ولاشاوروني بعد خوش والله عصر السرعه...
انقهرت وايد مستحيل اني اعيش ويا رشود لالالا مابا مش متقبله الفكره اصلن لالالالالالالالالا مابا مابا...((( اخاف بعدين سلامووة وماتكتب مذكرات علياء عقب مابستوي مشهورة مسكينه حتى وانا حزينه افكر فيكم..))...
اوووة برد على مشكلتي الحينه والله اني منقهرة اف منهم....
نزلت تحت وشفت اميه يالسه ترمس في التلفون.... كان على قراب المغرب
انا: اميه اباج في رمسه..
اميه اتاشرلي عسب اصبر...
وانا فايرة الا بمووت من القهر..
صكت اميه التلفون ...
انا: اميه صدق راشد خطبني.
اميه: هيه غناتي خلاص منو قدج يالعروس.
انا: لالالا اميه حرام ودراستي.
اميه: كمليها بيت ريلج.
سرت صوب الدري بزقر على البشكارة ومرة وحده اتخرطفت من الدري...
أي اخ راسي...........................
.
اكتشفت اني طحت من الشبريه واكتشفت اني راقده بعد ماشليت اللبن ورديت فوق وحمدت الله مليون مرة انه حلم...اشوى زين ماصحت والله...
وكملت يوم الجمعه عادي ورقدت الفليل لان باجر عندي دوام في الجامعه....

م.

يوميات علياء7

السلام عليكم ورحمه الله وبركاتـــــه..........

اليوم السبت *_*

ططوط ططوط لاتتروعون ها صوت المنبه أف منه ها الوذى أنا مفتكه من حشرة البشاكير ايي ها الثاني كانت الساعة 6:40
رديت اتلحفت خمس دقايق ويرد منبه التلفون يرن مرة ثانيه عنلاته رديت سكته وتميت جيه على هاي الحالة ربع ساعة لين ما عفت الرقاد سرت اتسبحت أول مابطلت الماي نقزت من مكاني زين ماثلجت كان الماي باااارد وايد....
اتسبحت وطلعت من الحمام متنشطه ....سرت جففت شعري وحطيت اشويه ميكب واتلبست لبست تنورة كحليه وقميص دنتيل ابيض ...واتزهبت..
انزين تقريبا ماتدرون الحفله اللي تستوي كل يوم الصبح خلني اخبركم والا تعالوا شوفوا ارواحكم ...
بطلت باب حجرتي وكنت لابسه شنطتي الحلوة مال اللاب توب ماركه فندي هديه من ابويه ..
انزين ...نزلت تحت وشفت عبدالله لبس جوتيه بس طبجه وحده
وسالم فديته يالس ياكل كورن فلكس واعليه عنه..
انا: اقول متى ناوي اتخلص..
(((طبعا اكيد كنت ارمس عبود))
عبود:ها شو يعني؟؟
(( والله لو اني مب معينه من الله خير جان ذبحته))
انا:متى بتلبس الجوتي يله انا اتأخرت
عبود:انزين خلصت
انا: ميروة وموزة وين.
امالي: مافي خلاص.
سرت عند موزة لاني حاطه في بالي انها تسوي شي والله لو اكتشف اللي في بالي بذبحها..
لقيت باب حجرة امويز امبطل دشيت وانصعقت الصراحه ومثل ماتوقعت الحبيبه يالسه على النيت...
انا: اقول الشيخه اتاخرت على الكلاس يدوب اوصلكن ...
موزة: انا خلصت بس اتريا ميروة.
ميروة كانت توها نازله من فوق....
انا: يعني تبوني انش الساعه ست واشرد الجامعه واعسكر اهناك الساعه 7 قبل السكيورتي...
موزة: انزين يله سرينا.
ميرة: لا انا ابا امر المحطه ابا اشتري لبان اكسترا.
((الحرارة عندي ارتفعت..))
انا: طوفي لاغسلج بكف على مخج...
اميه سمعت الحشرة اللي مستويه وطلعت من الحجرة وعطتنا هزبه محترمه وسرنا ركبنا السيارة.....
في السيارة......
سالم: علياء ممكن انمر الدكان.
أنا: سلوم يوز عني أتعرف الشياطين كلها في راسيه الحين..
سالم: خلاص عادي على راحتج.
عبدا لله: أنتي مب على كيفج نحنا نبا نمر.
ميرة: تبا نمر والا اسد.
((خخخ يادمها اتنكت على الصبح...)))
انا: انتي بتيوزين عنه والا اكفخج..
موزة لابستنا وكانت تدرس...
وسالم ساكت مايخصه في حد..
وعبدالله بعده يتحرطم يبا يمر الدكان...
وانا الود ودي دايستنه على بطنه مول مالي بارض له خيبه كيف يخلون الواحد يتعكر مزاجه بالغصب...
خمس دقايق ووصلنا مدرسه عبدالله وسالم...
نزلوا وعبود رضخ الباب السبال يباله كف على ثمه..
نزلت موزة وميرة وسرت صوب الجامعه...
رن التلفون ..
المتصل..وفاء..
طبعا طبعا مارديت لان صدق راسي كان يعورني....
المهم الله يعيني على ارف الجامعه اليوم ومجابل هالسير المغثه من الصبح...
كانوا حاطين اغنيه على الاف ام...
قله لي وصلني منه يكفيني عمر كيف يبغى طعني بسكين الغدر..اه قله كان لي عنده قدر لا تلاقينا امام الناس يسلم..
وصلت عند باب الجامعه ونزلت وشخطت بطاقتي ...
بسم الله الرحمن الرحيم طع منوا جدام ويهي ع الصبح...اربيعتي النحسه السابقه طبعا بدور ..لاحول شوفوا الاسئله الحينه ...
بدور: ها حق شوا متاخرة..
((انتي اشلج..سلمي اول شي السلام ببلاش..))
انا: لا والله وصلت اخواني من جيه..
بدور: ايواا شومابيظهرولج ليسن.
((لاحووووووووووووووووووووووووووووووول))
انا: لا والله مابا اسوق ابصراحه مالي بارض على السواقه اقولج باختصار هلي مابيخلوني..
بدور: هيه زين زين..
(((اف منج يله سيري كلاسج..))
بدور: يله عيل خلينا انشوفج..
((يحليلج انا ماريد اشوفج بالمرة))
انا: انشالله خير الغاليه..(((مب من خاطري))
كنت امشي عسب اسير صوب الكلاس بس ابصراحه المبنى بعيد يبالي درب..
اللي يقول بسير درب العين دبي يبالي احمل سمان وايد وماي وعصير هههههههههه حشا حشا ...شوفوا اتخقق اراويكم ان جامعتنا كبيرة ..
بعد ماتلاقيت في البنات اللي ابتسملها واللي تبتسملي الي تلبسني والعكس طبعا لان نحنا عايشين جو ثاني او بالاحرى مجتمع ثاني...فيه كل انواع النفاق الحب الصراحه الصداقه والتعاون.
يله نتحمل الا كم سنه واخلص من الجامعه على خير..
وصلت الكلاس وطبعا مب شي ايديد على بنات اكلاسي والاساتذه ان الانسه علياء كله تتاخر واعليه عنها عندها التزامات وايد ههههه ليش عندي ريل وانا مادري...
السير: Alia don’t tell me why I think as usually..
انا: عنلاتك.
بنات الكلاس: ههههههههههههههههه.
السير: WHAT..
انا: Nothing sir.
سرت مكاني وطلعت اقشاري هههههه ليش ليلام
المهم طلعت اللاب توب ويلست العب واتجول عالمواقع وفتحت المسنجر...
السير: Alia look at the board plz.
انا: سير سير طشونه .
السير: what is tashoona
البنات كلم يلسوا يضحكون فديتني اصلن انا الوحيده اللي اسويلم جو الا هم ييلسون جنم في عزى ..
خلصنا من الكلاس الاول....وسرت صوب الكافتريا يالله بالستر الحين درب لين ماسير صوب الكافتريا...
وكانت ويايه ناعمه وحده في الكلاس...
ناعمه: ها علياء شو تحسين بها الكورس..
انا: الحمدلله.
ناعمه: انزين علياء في شي مافهمته ممكن اتساعديني..
انا: انشالله الغاليه في البريك شو رايج.
ناعمه: انشالله خير..
وسرنا صوب الكافتريا لاحوول الحين بدش كرنفال مب كافتريا حق الاكل والشرب...يالله بعدني مافتحت الباب والحشرة واصله لين برع .....اللي تضحك واللي يايبه سماعه ومطوله على الاغاني...يالله بالستر شو هالمذهب...
ناعمه: خيبه يالحشرة
انا: بعدج ماشفتي شي.
اول ما فتحت الباب لقيت في ويهي وحده كانت ويايه الكورس القبلي.
مريم: هلا علياء اشحالج.
انا: بخير.
مريم: يله علياء بخليج عندي اكلاس.
انا: see you
اونه انجليزي هههههههههههه ..
وانا امشي اسمع بنات على الزاوية يقولون سمعوا اوكيه....
البنت: شفتي فلانه وع شنطتها تقليد ههههههه.
اربيعتها: أصلن هيه ابكبرها تقليد هههههه بس بس بطني يعورني من الضحك..
(((واعليه عنج )))
وسرت عنهم وفخاطري ميتة من القهر..
شوهالمذهب اخ عليكن اشتبوبها البنت تاكلون في لحمها ني..
انا لو احط عليها مابخلي عيب ما بطلعه المستخفة ..
أنا اشتريت نسكافيه وناعمه شراتي وسرنا وحاسبنا وطلعنا من الكافتريا...
*******
وعقب رجعنا للكلاس لان مابقى شي على الكلاس الثاني ومافينا على لسان كلاوديا بتشخطنا غياب ..
في الدرب كنت ارمس ناعمه ونسولف في اشياء عامه وايد وايد سولفنا وحسيت ان ناعمه وايد طيبه حليلها وانا كنت اقول في خاطري انها معقده صدق ماستحي....اتذكر اول مادخلت الجامعه مول ماكنت ارمس حد ويوم اتاقلم في أي كلا س ايديد البنات يتيمعون ويقولولي علياء نحنا بنصارحج ابشي اونه تدرين يوم دشيتي الكلاس اول مرة كنا انتوقعج خقاقه ورافعه خشمج وماتعطين حد ويهه بس والله طلع العكس اللي يعرفج بيعرف انج عاديه ومب خقاقه....
هاذيلا البنات كل التخمين عندم ابيزة ...ترا انا شراتم ههههههههههههه..
دخلنا الكلاس وياليتنا مادخلنا.....نعوم من صوب وانا من صوب منطرات من الضحك على المس زين ماصبينا اللي في ايدينا....
مس كلاوديا لابسه شي يروع وايد يعني هيه صح كل يوم اتفاجئنا بلبس يلوع بالجبد بس عاد ها مول ماتوقعت ...لابسه قميص فوشي وعليه حيوانات هههههههههههه نعوم تطالعني وانا ارد اطالعها ماقدرت ابصراحه...
كلاوديا: Hi girls.
نحنا: انتي خليتي فيها girls
كلاوديا: where were u?
نحنا: in the café
كلاوديا: mmmm do u think this is a good reason
انا: لاحووول ابكيفج ابويه حسبي غياب يرحم والديج ابا ايلس مكاني مب قادرة اوقف من لبسج ههه.
بنات الكلاس ماتن عليه من الضحك اببصراحه مب اني مشاغبه والا شي بس ابصراحه تقهر تيلس تسال عن القرحه وشو دواها..
كلاوديا: go back to ur chair plz.
انا: اف مابغت قذيه.
وردينا مكانا وكملنا الكلاس عادي طبعا...والكلاس الثالث ماحضرته كان عندي شغل في المكتبه ...ولازم اسلمه على الظهر..
في البريك تايم كنت في المكتبه ابا اخلص البروجيكت مالي لان احس انه ثقل على قلبي......شفت ناعمه لاني كنت متواعده وياها ان نتلاقي في البريك عسب افهمها....
ناعمه: هاي علياء.
انا: هايين نعوووم....اتغديتي..
ناعمه: لا والله قلت اشاورج اشوف اذا بتتغدين ويايه والا لا..
انا: ليش لا بس انا ماباكل وايد لاني اريد اتغدا في البيت عاد كله ولاطبخ بشكارتنا(((وع عمى بعينها انشالله...)))...
ناعمه: يله ابسرعه بناكل شي خفيف وبنرجع المكتبه شو رايج..
انا: اوكيك...
كنا انا وناعمه نمشي مع بعض كنت انا في الطابق الثاني من المكتبه ونزلنا من الدري....وانا نازله كنت افكر شو بشتري لان تقريبا اكلهم نفس الشي ويلوع بالجبد اف ياربيه منهم مممم لو ييبولنا برجر كينج ..اووو chilies ههههههههه شكلي وايد احلم مشكله احلام الفقراء لوووول..
على طاري احلام الفقراء اتذكرت حلم يموت من الضحك صدق صدق مال الفقراء...
حلمت اني في شقه كبيرة اتجنن انا وموزة اوكيه وهاي الشقه صعب انج تتحكمين فيها بس اذا ماعرفتي أي شي مثل وين الفصوص مال الكهرباء وهالسوالف...بتلقين كمبيوتر يتكلم فوق والله شكلي يضحك في الحلم وانا اكلم الكمبيوتر واقوله ...وين فص المكيف هههههههههههههههه
بنت فقر فص اونه بدال ماقول رمونت على الاقل... تلقون الكمبيوتر زاغ بس احترم ههههههههههههههههههه...
المهم نزلنا من الدري وسرنا صوب الباب مال المكتبه وطلعنا من المكتبه بس اول ماتنزلون من الدري في دري مسطح عاد ها اخاف منه بالقو احس اني بزحلق او بطيح...
في بنت مسكينه والله طاحت جدامنا على طول قرصت ناعمه عسب ماتضحك..
البنت شكلها اتعورت وايد والله غمضتني مسكينه..
سرت صوبها وساعدتها ....
ناعمه: سلامات..
البنت: مشكورة اختيه..
انا: سلامات اشوى انها يت سليمه اختي اتحملي مرة ثانيه..
البنت: انشالله ومشكورة اخت...
انا: علياء..وهاي ناعمه

البنت: اتشرفنا علياء وناعمه وياكم علياء..
انا: هلا علايه صدفه والله نفس الاسم...
علياْ: صدفه حلوة بس مب وانا طايحه.
انا: اختي اشوي ماتعورتي..
علياء: مشكورة علياء..
انا: شو رايج تتغدين ويانا..
علياء: تدرين ادور حد اتغدا وياه ..
ناعمه: عيل يله حبوبه سرينا..
سرنا نحنا الثلاثه مممم ارتحت وايد من علياء احسبها طيبه والله
مسكينه ماتستاهل هالطيحه...
.......وصلنا صوب الكافتريا...
البنت: ها عليوة المعوقه اشحالج...
(((((((((((انصدمت بس كانوا يطرون اللي عدالي...مب انا))))))))))
انا: اقول انا مابسكت ليش جيه تقولين مب عيب عليج..
البنت: انتي بلاج محتشرة.
انا: اكيد بحتشر دامني اشوف انج تغلطين على اربيعتي..
علياء: خلاص خليهم الله يسامحهم ...
ناعمه: عليووة خلاص..
انا: صخن انتن ماتعرفن تاخذن حقن.
البنت: شو بتسوين..
انا: ممم ولاشي اتعرفين ليش...لاني ماحط راسي براس ياهل مثلج ماعندها اسلوب وادب....عفان الله بس انتي شوف الروب لين شو واصل سيري اميه اتغسلي حتى اللبس اتأكلينه...
ناعمه وعلياء: هههههههههههههههههههه بس صخي صخي بطني..
البنت السخيفه قفطت وجلبت ويهها هيه وربعها اونم شله وين تبن...
دشينا الكافتريا وكالعاده حشرة وازعاج على كيف كيفكم مستوي سوق السمج..
يالله نحنا بنترس الكرشه وبنطلع...
يلسنا انا وعلياء وناعمه نسولف و ناكل بس انا كلت تبوله عسب حاطه في بالي اني بتغدا في البيت...
الظاهر متولهه على غدا امالي......
انزين..عقب كملنا يومنا عادي وحضرت اخر كلاس....
خلصت من الجامعه ورديت البيت....اول مادخلت الصاله...
انا: السلام عليكم..
امي: عليكم السلام والرحمه .
انا: شو الغدا اميه والله يوعانه.
امي: بريان دياي.
انا: خلاص قوليلهم خلي يحطولي غدا.
اميه: انشالله ... سيري وتعالي اباج في رمسه.
((الفضول يجتل ترأ ))
انا: لا اميه قولي شي في خاطرج.
اميه: يالله يالفضول.
انا: لا اميه مش فضول بس قولي شو.
اميه: اباج اتسيرين ويايه الجمعيه.
((( ويهي اتغير عشرين لون...وانا اتحسب شي خطير هههه)))
انا: اميه شلي عبود وياج انا ادري بيخم الجمعيه بس انا تعبانه وماروم اسير..
اميه: اباج انتي عسب تختارين هديه حق حرمه مربيه..
انا: انشالله يصير خير اميه لين العصر..
اميه: يله عيل سيري بدلي ثيابج واتغدي .
انا: انشالله.
سرت فوق وانا يالله يالله اشل عمري وشنطتي...وايكم عبود طر من فوق ويدعمني وماكان لي بارض اني اقوله شي صخيت بس يلست افكر بعد زين افكر المخ يشتغل لوول قلت يعني عبود ماله خانه فوق اكيد داش حجرتي ونبش اف بس والله لو اكتشف شي بزواله...
سرت حجرتي وفتحتها وياليتني مافتحتها....
بغيت اموت من القهر كنت بصيح خلاص بجتله بزغده اليوم هالعبود بيموت على ايدي...
انا واللي يمكن ماخبرتكم بها الشي هوايتي التصوير يعني التصوير عندي ابيزة وصوري كلها في حجرتي مش غرور بس لاني يوم اصور الصورة تطلع حلوة ..ممممم مب جنه ها اسم فلم مصري ههههههههههههه...المهم ماعلينا
شفت صوري متنشرة على الارض والالبومات امشرعه على الاخر وانا وحده ترا مالي بارض اني ايلس القط واردهن امكانهن انا براويه ها بو الذنين ...عقيت شنطتي وبدلت ثيابي ....كنت امصليه الظهر في الجامعه فمن جيه نزلت على طول لا والحبيب يالس عادي عنده ماقال بشرد عسب ماتزخني ....
انا: لا والله على الاقل اشرد يامسود الويه والله ويقول المثل (( يجتل القتيل ويمشي بجنازته)).
عبدالله: شو بلاج شو سويت انا اميه شوفي علياء تتبلى عليه.
اميه: بلاج على الولد عيني من الله خير وقري اتغدي.
انا: سيري شوفيه كيف امنثر الصور في حجرتي.
عبدالله: أي صور.
((الحرارة ارتفعت عندي خلاص بزغده بجتله))
انا: شوف انته ايه والله العظيم بيي وبضربك ضرب البلا وقسم بالله ماعليه من حد يالخايس وانا دشيت الحجرة لاتلوم الا نفسك ..
اميه: حشمي عاد..
صخيت عنهم وحتى ماتغديت من القهر....
سالم كان ياي من برع وثيابه خايسه قمت من القهر رشيته ابكف على ويهه بعد ماهزبته لان ثيابه وصخه ويلس يصيح وانا لبسته لان مول مالي بارض حق دلع اليهال..
ااااااااااااه ياربي انا شو اللي خلاني اصفعه سلوم مسكين والله بس يله...
يلست اشويه اتجول في الحجرة عقب بطلت اللاب توب ويلست اسمع اغاني اغير خلفيت الكمبيوتر حشا ياهي الخلفيه اللي تتغير في اليوم الواحد 70 مرة....شو اسوي من زود الصور الممزورة في الكمبيوتر...
اذن العصر صليت وسرت ويا اميه الجمعيه....
..........في الجمعيه...........
بعد مانزلنا من السيارة ...
اميه: علياء هاتيلي قاري بس ماباه معوق..
انا: انشالله.
سحبت القاري ودخلنا انا واميه
يلسنا اشويه نسولف لينا ماسرنا الطابق الثاني من الجمعيه...
اتنقينا شي مال اليهال..وحاسبنا طلعنا....
في السيارة..........
اميه: هيه متى...لا والله...
وانا طفرانه راسي يعورني لان اميه اتزاعج يوم اترمس اربيعتها..........
اخ على طاري اتزاعج ذكرت سالفه بقولها دامني في السيارة وملانه...
مرة كنت اتوسل واقول حق اميه انها ماتزاعج يوم ترمس في التلفون...
بس اميه شكلها طاف ههههههههههه...
كنا سايرين مركز من المراكز ورن تلفون اميه وياليته ما رن الحين بتيلس اتزاعج ادريبها..
اميه باعلى صوت: هيه ماشالله أي دخون حددي ..
وانا ويهي يعورني ماتم حد ماسمع ...
انا: اميه خفي على صوتي دخيلج.
اميه طاف كالعاده....
ويهي استوى احمر...
خلاص اتغير لونه ...
واحد من الشباب..((((بلاها الوالده مكالمه خارجيه هههههههههههه)))
هيهيهيهيهيه ابصراحه سخييييييييييييييييييييييف....
مالت عليه قهرني مارديت لان اميه عدالي والا انا ضاريه ارد واقفطهم الخياس....
............وصلنا البيت............
رديت حجرتي فوق ...ويلست على الشبريه ضايجه ومتملله وايد....
ميرة كانت ادق باب حجرتي....
سرت فتحت الباب...
ميرة: اقول علياء عندج شامبو..
انا: ليش يعني...
ميرة: حق شو يعني باكله ابا احط في خمرتي الشامبو مالي خلص..
انا: سيري الحمام ...وبتلقين الشامبو...في كمن نوع اختاري...وابسرعه مول لايعه جبدي...
ميرة: اوكيه...
سارت ميروة خذت الشامبو وطلعت...
رديت تميت ابروحي...
كانت الساعه تقريبا 6..
مادري فكرت اسير عند حد من ربعي طبعا وفاء فديتها...
اتصلت حق اميه واستاذنت منها ووافقت....
بس اميه قالت اخلي وفاء تشلني لان اميه بتشل السيارة لانها بسير عند الحرمه المربيه...
اتصلت حق وفاء...
وفاء: هلا والله..
انا: هلا وفاء اشحالج...
وفاء: ابخير الغاليه...
انا: وفاء مري عليه بيي بيتكم..
وفاء: حلفييييييييييي
انا: والله..
وفاء: يله ربع ساعه وانا عندج عليوووة ياي وناسه..
انا: ادري وناسه يله اترايج وفوي..
وفاء: يايتنج مع السلامه.
انا: في الانتظار..
وفاء: على قناه ابوظبي ههههههههههههههه
انا: ياويهج مع السلامه.
وفاء: شااااوووووووووو..
وصكينا عن بعض...
وحليلها استانست البنيه...
سرت صوب ثيابي ولبست واتسحيت واتريتها...
بعد 10 دقايق وصلت وفاء وركبت عدال وفاء وراء ويلسنا اندق سوالف...
قبل مانسير بيت وفاء مريت المحطه عسب نشتري صرط ههههه
نزلنا..
وفاء: عليوووة اشتري اللي فخاطرج مرة.
انا: اشهد انج ماطلبتي هههههههههه بخم المكان عيل...
وفاء: حشا لقافه هههههههههههههه.
انا: حد قالج تعزمين..
وفاء: هيه والله غلطت هههههههه.
انا: ياراسج...
وفاء: دبه
وتمينا على هاي الحاله كل وحده اتعاير الثانيه..
فجاه دش واحد استراحه المحطه اللي كنا انا ووفوي نشترى منها...
بقولكم شكله مم عريض اشويه مسمر من الشمس شكله المهم وسيم ويلفت الانظار...
انا ووفاء كنا عند ثلاجه البارد...
وفاء: اتشوفين ها انتي والا لا.
((( بدون اهتمام ))
انا: بلاه.
وفاء: مب جنه غاوي الله يخليه حق هله.
انا: انشالله....يله خلصي ياحرمه ورانا درب.
وفاء: ههههههههههه وين تبين اكو بيتنا قريب ياحرمه..
انا: انزين...
كنت شاريه فيتامين سي وشيبس واسكريم ممم وبس....
كنت شاله الفيتامين سي ومادريت الا وعباتي اشويه وبتخرطفني وكان هو جدامي...
في خاطري ((( لالالالا طيحي بعدين بليييييييييييز)))
لالالالالالالالالالالالالالالالالالا طاحت عنلاتج من غرشه انا براويج..
الولد: فدوة عن راسج.
((شو فدوة عن راسي الحين بيدفعونا مال المحطه هههههههههه اسميني فايجه افكر في هالسوالف بس انطب احسن))
لبسته وماقتله شي اقصوري بعد ارد عليه...
وفوي صخت من الموقف...
وعقب يت عدالي....
وفاء: عليوووووة فشله..
انا وميوده عباتها: صخي صخي بليز احترق ويهي....اجدمنا ابسرعه صوب الكونتر حاسبنا باقي الاغراض وشرده على السيارة....
كان الولد يضحك عنلاته الدب فايج يضحك انا ويهي احترق وها يضحك ...
لكن بعاقب عباتي هههه متفيجه والله انا خاطري اصيح اهى اهى اهى...
عقب وصلنا بيت وفاء ودخلنا السيارة داخل قبل ماننزل قلت حق وفاء ان ندش من الباب اللي وراء لأني استحي اجابل أهلها...
يوم نزلنا الولد اللي كان في المحطة برع وأشوف اخو وفاء سايرله...
مممممممممم الحين ها اربيع اخو وفاء شو هالصدفه...
وفاء: أتشوفين اللي أشوفه..
انا: شقايل ماشوف ماشوفين عيوني وصلت سيارته ههههه.
وفاء: أشوفهن يلعبن هههههههههههه.
أنا: صخي صخي خلينا اندش..
دشيت بيتهم من وراء ..والحينه يالسه اركب الدري فتحنا الباب وشفت صالتهم أتجنن أثاثهم روعه..
أنا: وفوي روعه أثاثكم..
وفاء: وين يا روعه أنا اعزر على أميه اتغيرة..
أنا: لا بالعكس حلو ماشالله...
وفاء: عيونج الاحلى عليوووة...
أنا: شو عشاكم هههههههههه.
وفاء: بسم الله بعدنا ماحدرنا تنشدين عن العشا هههههههه.
أنا: أخاف ماتعشوني بعدين اتوهق..
وفاء: لاتحاتين الخير موجود...
وحليلج ياوفاء...طيبه ...
سرنا فوق وسولفنا ويلسنا على النيت والله وناسه ابصراحه....
عقب اتعشينا ورديت البيت لاني كنت تعبانه وورايه دوام باجر...
هاللي استوالي اليوم .......
وبعدين بخبركم سالفه يوم كنت مسافرة .....
اللحين شكلها سلامه تعبانه وهيه تكتب ...
......
......

يوميات علياء8

السلام عليكم ورحمه الله وبركاته....
انشالله ما تأخرت بس والله قد ما قدر أحاول اخلص واجباتي واكتبلكم....والله ما تهونون عليه أخليكم اترييوني هالكثر....


أنا احلم انزين...
الوحش يلحقني وأنا أقول...
لا شو تبا مني ياوحش يامفعوص((( امحق حلم مفعوص اونه وين مابا الوحش يلحقني لوول))...
الوحش: أنتي شيطانه وأنا لازم اجتلج ليش جيه اتعاملين عبوود..
أنا: هو يقهرني شو اسويبه قولي..
الوحش: اقولج شي .
أنا: شوووو قول ابسرعه..
الوحش: يباله كف هالولد.
انا: ههههههههههههههههههههههههههههههه ((فديت الوحوش ياربيه))...
((حلم اخر زمن هع))
ونشيت من الرقاااااااااد وكلي نشاط أن حد ويايه ضد أخويه المفعوص..طع بعد رديت أقول هاي الكلمه...
نشيت وسرت اتسبحت بعد هالحلم اللي كرفت فيه كراف وأنا اركض...
ماخليت بقعه مازحلقت فيها...
مادري إذا كنت لابسه جوتي وألا لا...اشوى مالبست مافيني يخيس خخ..
كله وألا الجواتي ماتهون عليه...
طلعت من الحمام صبروا بنشف شعري...
((خلصت))..
مممم خلني أقولكم سالفة....
أتذكر يوم كنت أصغيرة ...
يوم كنا انا وعلى وموزة وأتذكر ميروة كانت أصغيرة ...
كنا نشتري شيبس وصرط من الدكان..اللي هو الحينه معسكر أخواني...
يوم كان يوصل راع الدكان ..تدرون كلم ياكلون إلا انا...
تدرون ليش؟؟
لان اباهم ياكلون ويخلصون عقب اغايضهم أن مالي ماخلص..طع الغباء ترا انبونه جيه وألا جيه باكله باكله...
عاد أحلى شي بالنسبالي أني اكل وهم مخلصين والله برائه يهال...
مممم بعد شي أتذكرته بس لحظه بودي الفوطة الحمام....
((رديت))
أتذكر كنت اشتري ايس كريم مانجو أو أي نوع...
وشو تتوقعون أحط فيه والله لوعت جبد...بس كان على أيامي يجنن..
كنت اخلطه ويا البيبسى وعععع.....
والحينه يوم انشوف اليهال أيخبصون انعصب عليهم...
مانشوف أعمارنا يوم كنا حشكل لووول..
ممممممم ترا اليوم الخميس من جيه ماسرت الجامعة...عن اتقولون غايبه...
ممممم أتذكر كنا نلعب انا وعلى وموزة بالتراب اللي في بيتنا...
ياي روعه والله انسوي اونه جبل وتدرون أكياس الدكان الزرقاء انطرطرم وانعدلم وانحطه فوق الجبل على شكل شلال كشخه والله ونييب ماي ونصب عليه اونه شلال ياي والله خاطري ارد العب..لا والا احلى شي تراب وماي نيب التراب اونه انسوي كيكه واونه موزة عندها بيت وانطرشلهم الكيك بسم الله اتذكر كل خمس دقايق انا مسويه كيكه واوصلها حق موزة اونه يران انحب بعض انسويلم كيك حشا الكيك انسويه كل خمس دقايق اسميه كرم ....والمسكينة البشكارة اتحرطم علينا تدرون ليش..؟ لان نص الخواشيج ((الملاعق)) مدفونات في التراب... يالله يالوسخ اسميها اميه كرفت اكراف لين ماخلتنا أنهد هالسوالف كنا من الصبح لين المغرب أنعسكر على التراب...
ايام التراب والله....جيلنا جيل التراب...حلاته والله....
لحظه بشغل التلفزيون ....
((رديت يلست على الشبريه))
ابغي اتذكر سالفه بعد...
ممممممم يالله يالمخ لحظه بعصرة الا اطلع شي ...
هههههههههههههه اتذكرت ..على كان دوم يلعب ويانا....والا اللي ماخبرتكم اياه اونه كنا نطبخ...شو نسوي نعفد المطبخ طبعا بالدس عسب البشكارة ماتشوفنا وتخبر اميه...ونسرق البطاطا...وناخذ قصدير(المنيوم)..وملح وكبريت...المهم سمان وايد لزوم السهرة...
ويوم يرقدون كلم...ايي على ويدق عليه انا و موزة أتذكر ميرة كانت صغيرة فماكانت تعرف خربطانا وايد...انزين انسير وراء البيت ههههههههههههه وألا احلى شي مسولينا بيت من الحطب وراء اسمه مقر على وشركاءة لووول وين نبا...انزين ونلف البطاطا بالقصدير وطبعا انكون مجهزين الضو وكل شي...ونفرة في الضو وانترياها لين ماينضى...يمي يمي...
دوم نسهر لين الفجر نلعب ونسولف...كنا على قلب واحد ومازلنا بس الله يسامح أبويه يوم سوى حق كله وحده حجرة ...
نادر ما انشوف بعضنا انا في الجامعة وعلى في الدوام والباقين في المدارس...يله ماحلى الذكريات...
دبف دبف دبف والقفعه منو يدق الباب...السموحه بشوف منو عند الباب...وألا اقول تعالوا بنشوف منو عند الباب استحي أخليكم ابروحكم...
لحظه بنش من الشبريه...
فتحت الباب....
امالي: الياه.
انا: نعم ..والا اقولج في اداميه ادق الباب جيه...ماتشوفين ناس عندي.
((ويهه امالي اتغير ههههههههههههه))
امالي: وين انا ماشوف نفر..
انا: أي نفر مينونه أنتي محد في الحجرة(((وجان اجلب السالفة عليها ههههه))
أمالي: ماما تباج.
انا: انزين بنزل سيري........
صكيت الباب...ماروم انزل بتصل حق اميه بشوفها شو تبا...
جاري الاتصال ...اميه..
اميه: الوووو.
انا: هلا اميه اشحالج.
اميه: أبخير...يله نزلي أتريقي.
أنا: صبري بنزل بعد اشوي.
اميه: على راحتج.
وصكيت عنها...
انزين وشخباركم بعد لوووول..
ممممممممم والله أحس السوالف امكوده بس المخ أمقفل..
اعتقد اليوم بس بخليه حق السوالف يوم كنت أصغيرة...
ايوااااااااااااااااا سمعوا هاي السالفة...
أتذكر اربيع علي واسمه خالد كان دوم ايي بيتنا وكان عدنا صندوق عود بو قفل...شو سواا خالد الذكي قفل على( علي) الصندوق...وشرد وخلي علي من العصر لين الفيل بعد أذان العشاء..مسكيييييييييييين علي يوم طلعناه كان يصيح هههههههههههههه أي بطني...والله ماقدر شكله كان يموت من الضحك ... ومن هاك اليوم ماشفنا ويهه خالد..... بعد وين له ويهه ايي عدنا مسود الويهه....يالله ياخالد أكيد الحينه معرس ودي أنا اشلي لوول...
لالالالالالالا وألا أحلى شي يوم العيد...
أيام والله من أول مانقبض البيزات على طول انطير الدكان اسميه الدكان كد من ورانا....
والله أيام تجنن...وعلى كثر ماقول مابسكت وايد سوالف حلوة مابتخلص...
(((نغمه مسج))
اووة اوووة منو مطرشلي مسج.....
لحظه بجيك...صدقوني بقراه ولايهمكم...
المسج من ريم ...
يقول المسج واللي هو عبارة عن نكته...
(( واحد حاكمين عليه بالشنق أول مابدوا يشنقونه كان يأشر...يوم يو صوبه جان يقول : الله يغربلكم بغيت أموت..)))
هههههههههههههههههههههههه أي بطني الله يغربل عدوج يا ريمووة أنتي ونكتج اللي أتجنن....
من بعد حلم الوحش طبعا لووول...واعليه عنك يالوحش...
ابصراحه ميتة من اليوع....بسير أتريق وبرد....
((بعد عشر دقا يق))
هلووو رجعت ليكون مليتوا وانتوا يالسين في حجرتي...
سوري بس ما بغيتكم تون تحت لان أتعرفون نفس المعركة تستوي يوميا...
لو تذكرون من زمان على أيام البيبسى الجديم يوم كانوا يسوون مسابقه اللي يجمع أحرف بيحصل سيارة... ماعتقد تذكرون بس اسمينا ما خلينا كرتون بيبسى ماشتريناه...
وياريت لو نفوز مالت ...نحاااااااااااااااااسه....بس والله أحس يوم ايمع شي استانس حتى لو ماربحت شي....
لووووووووووووول سوري إذا اليوم سوالفي عشاوئيه بس اليوم بغيت اتفرغ عدل عسب اسولف وياكم...طبعا كلنا أنعرف أفلام والت ديزني ومنو ما يعرفها هاي الايااااااااااام ....
ونعرف بوكاهانتس...منو ما يعرفها هاي مسودت الويهه حابتلها واحد بريطاني امحق حبي من هلج ياملعونه الصير وديه اتاثرت ما علينا تنقع بس أنا بغيت أقولكم من ها كله أني أول ما شفت بوكاهانتس سرت صحت أتعرفون ليش ...؟؟
اونه أبا استوي مثلها وأشله هههههههههههه وين أبا ...
دبف دبف دفب..لاحوووووووووووول ياهالباب…..
أنا: منووووة.
علي: بطلي.
قومي ونشي من الشبريه والله متعايزة بس مجبورة أنش مافيني ياكلني لوول..
بطلت الباب…
علي: تبين أتسيرين السينما…
(((((( أتعرفون شو استوي حسيت أني في مهرجان دبي والألعاب النارية من ورايه لاعبه دور)))))
أنا بعدني امبهته….
علي: يله شو قليتي…
أنا: هيييييييييييييه بدون كلام بعد.
علي: خلاص قولي حق خواتج يتلبسن.
أنا: اوكيه..ماطلبت ..
وكنت أسرع من أبو الحروف مال المناهل والخيبة كح كح ادري غبار بس أحيده كان سريع لووول…
والخيبة زين ماتخرطفت وأنا عند صوب حجرة ميروووة..
دقيت الباب….ميرووووووووووة افتحي الباب مفاجأه
ميرة وبكل ملل فتحت الباب….
ميروة: شوووووووووو
انا: يوقل على بنسيرالسينما بتين ويانا..
ميروة: اذا انتوا بتون مابسير …
دزيت ويها وصكيت الباب….
انا: ماتبين هاك الدرب عادي الدنيا مابيستويبها شي…
ونزلت تحت وسرت عند موزة ودقيت عليها الباب….
مووووووزوووووووووة بطلي الباب مفاجأه …..
خست عشر دقايق عقب فتحت الباب….
موزة: شو المفاجأه …
انا: يقول على انه بيودينا السينما يله لبسي…
موزة: حلفي..
(((اوة ردت فعل محترمه مب هاييك الخقاقه)))
انا: والله يله ابسرعه ودخيلج لاتحطين شي في ويهج مافينا يهون ونيلس في البيت..
موزة: ليش انشالله….انا لازم احط على الاقل جحال…
انا: لاحوول محد بيخرب الظهرة غيرج….
موزة: انزين ..
انا: انا بروح فوق بسير البس..
وركبت الدري….ووصلت حجرتي…
مممم حبابيبي سوري مارمت ايلس وياكم على انفراد …بس والله مرة ثانيه اذا في فرصه بيلس بقول السوالف الجديمه لانها تقريبا ماتخلص…
بس اللحين حد يعوض بذمتكم هاي الفرصه الخياليه…
اكيد لا…نحنا مانصدق على الله اخوانا الشباب يطلعونا لووول … هو صدق اطلع ويا خواتي بس ويالاولاد احلى …محد يقدر يتحرش….
بلبس لون بنفسجي بستوي عيناويه فديت هل العين ياربيه….
ممممم اقول استريحوا في الحجرة لين ماغير اثيابي….
(((خلصت))……لاتقولون اتاخرت اتعرفون عاد نحنا البنات بالذات وايد انتاخر لين مانلبس….مشكله والله وياليت لو حد يعرف شو نلبس …بس خقه وخساير على الفاضي….بس الواحد يوم يلبس حق عمرة….لوول…
دبف دبف …(( الباب يندق))
علي: عليوووة خلصتي..
انا: هيه الحين بيي بس بلبس النعال..
(((بذمتكم مب كلنا جي انقول يوم حد يقول خلصتوا لووول))))
وطر على الدرسنج روم ولبست عباتي وشيلتي…
لحظه بتعطر….
وجان اخلص…
الله يعينا اكيد الكونتيسه ماخلصت لين اللحين…
ياخوفي اتسوي تسريحه هههههههههه…
ياربي انا متأكده انها ماخلصت وياخوفي علي يهون..والله لزغدها…
لحظه بقفل الحجرة لان ادري ابغيابي…بتتنبش الحجرة وياخوفي مثلا لو امضيعه شي هم من كثر مابنبشون بيحصلونه لوول..حشا فيران يوعانه…بتوكل وبقفل انا….كله والا اغراضي…
المهم نزلت واستغربت ابصرااااااااااااحه امويز يالسه ومخلصه يالله لو المدرسه جان بتخيسنا وتلعب على النيت...خس الله عدوج يا موزة....
علي: شو ميرة مابتي..
انا: اتقول ماتبا اتسير ويانا اذا بروحك وانه تبا اتسير وياك ..عفان الله ماتبانا((( خخخ البق الضو)))...
علي: والله هاك الدرب مابنبوسها على ايدها...
انا: صدقك والله انزين أي فلم علي.
علي: فلم ههههههههههههههههههههههه.
مورزة: بلاك ..
علي: مفاجأه..
(((والله لو يكون اللي في بالي بفصخ جوتيه وبضربه في السينما)))
نزلنا من الدري وسرنا صوب سيارته.......
اللحين بتبدأ الضرابه ...لان الكونتيسه تبا تيلس جدااااااااااام...وطبعا على حسب اللي تستخدم ذكائها وتشل جوتيها وتركض جدام يعني ياغالب او مغلوب مافي كاني ماني....
طبعا طبعا انا ركضت قبل الاوادم حتى علي ماوصل السيارة وكان يضحك ...ويقول عفانالله وموزة اتصارخ من القهر اني ركضت قبلها ابصراحه مب حلوة العوده تركب وراء....لوول...
فأنتهزت الفرصه وكانت موزة ترمس علي وانا ركضت لووول...لقافه على المكشوف....
يلسنا في السيارة وحطلنا علي شريط يلوع بالجبد بالعماله بس اعناد فينا....
((( اغنيه جديييييييييييييييمه من اغاني عبدالحليم)))
انا: علي غير الشريط شو ها اتخبلت..